Soltústik Kiprdegi múlikten bas tartqan qazaqstandyq Konstitýtsiialyq sotqa júginýge májbúr boldy

Soltústik Kiprdegi múlikten bas tartqan qazaqstandyq Konstitýtsiialyq sotqa júginýge májbúr boldy
ji: dalanews

Qazaqstanda ajyrasqan erli-zaiyptylardyń ortaq múlkin bólýge qatysty daý Konstitýtsiialyq sotqa deiin jetti. Burynǵy erli-zaiyptylardyń biri Soltústik Kipr aýmaǵynda birlesip jinaǵan múliktegi óz úlesinen bas tartqan. Alaida apelliatsiialyq sot bul qujatty dálel retinde qabyldamaǵan, dep habarlaidy dalanews.kz.

Sottyń mundai sheshim shyǵarýyna qujattyń Qazaqstanda zańdastyrylmaǵany sebep bolǵan.

Buǵan kelispegen azamat Konstitýtsiialyq sotqa júginip, 1961 jylǵy Gaaga konventsiiasyna silteme jasaǵan. Atalǵan halyqaralyq kelisimge sáikes, oǵan qatysýshy memleketterdiń resmi qujattaryn konsýldyq zańdastyrýsyz paidalanýǵa bolady. Ol úshin qujatqa apostil qoiý jetkilikti.

Alaida Konstitýtsiialyq sot ótinish berýshiniń qoldanystaǵy zańdastyrý tártibine emes, naqty azamattyq is boiynsha shyǵarylǵan sot sheshimine daý aityp otyrǵanyn túsindirdi.

Sottyń málimetinshe, dáleldemelerdi tekserý, halyqaralyq sharttardy qoldaný jáne sot sheshimderiniń zańdylyǵyn baǵalaý Konstitýtsiialyq sottyń quzyretine kirmeidi. Mundai máselelerdi tiisti isti qaraityn sottar sheshýi kerek.

Aita keteiik, Qazaqstan Soltústik Kipr Túrik Respýblikasyn táýelsiz memleket retinde moiyndamaidy. Onyń táýelsizdigin tek Túrkiia ǵana moiyndaǵan.