قازاقستاندا اجىراسقان ەرلٸ-زايىپتىلاردىڭ ورتاق مٷلكٸن بٶلۋگە قاتىستى داۋ كونستيتۋتسييالىق سوتقا دەيٸن جەتتٸ. بۇرىنعى ەرلٸ-زايىپتىلاردىڭ بٸرٸ سولتٷستٸك كيپر اۋماعىندا بٸرلەسٸپ جيناعان مٷلٸكتەگٸ ٶز ٷلەسٸنەن باس تارتقان. الايدا اپەللياتسييالىق سوت بۇل قۇجاتتى دەلەل رەتٸندە قابىلداماعان, دەپ حابارلايدى dalanews.kz.
سوتتىڭ مۇنداي شەشٸم شىعارۋىنا قۇجاتتىڭ قازاقستاندا زاڭداستىرىلماعانى سەبەپ بولعان.
بۇعان كەلٸسپەگەن ازامات كونستيتۋتسييالىق سوتقا جٷگٸنٸپ, 1961 جىلعى گااگا كونۆەنتسيياسىنا سٸلتەمە جاساعان. اتالعان حالىقارالىق كەلٸسٸمگە سەيكەس, وعان قاتىسۋشى مەملەكەتتەردٸڭ رەسمي قۇجاتتارىن كونسۋلدىق زاڭداستىرۋسىز پايدالانۋعا بولادى. ول ٷشٸن قۇجاتقا اپوستيل قويۋ جەتكٸلٸكتٸ.
الايدا كونستيتۋتسييالىق سوت ٶتٸنٸش بەرۋشٸنٸڭ قولدانىستاعى زاڭداستىرۋ تەرتٸبٸنە ەمەس, ناقتى ازاماتتىق ٸس بويىنشا شىعارىلعان سوت شەشٸمٸنە داۋ ايتىپ وتىرعانىن تٷسٸندٸردٸ.
سوتتىڭ مەلٸمەتٸنشە, دەلەلدەمەلەردٸ تەكسەرۋ, حالىقارالىق شارتتاردى قولدانۋ جەنە سوت شەشٸمدەرٸنٸڭ زاڭدىلىعىن باعالاۋ كونستيتۋتسييالىق سوتتىڭ قۇزىرەتٸنە كٸرمەيدٸ. مۇنداي مەسەلەلەردٸ تيٸستٸ ٸستٸ قارايتىن سوتتار شەشۋٸ كەرەك.
ايتا كەتەيٸك, قازاقستان سولتٷستٸك كيپر تٷرٸك رەسپۋبليكاسىن تەۋەلسٸز مەملەكەت رەتٸندە مويىندامايدى. ونىڭ تەۋەلسٸزدٸگٸن تەك تٷركييا عانا مويىنداعان.