قازاقستاندا شارۋالاردى جەڭٸلدٸكپەن قارجىلاندىرۋ 1,2 ترلن تەڭگەگە جەتتٸ

قازاقستاندا شارۋالاردى جەڭٸلدٸكپەن قارجىلاندىرۋ 1,2 ترلن تەڭگەگە جەتتٸ
pixabay.com

قازاقستاندا 2026 جىلى شارۋالارعا بەرٸلگەن جەڭٸلدەتٸلگەن كرەديت كٶلەمٸ العاش رەت 1,2 ترلن تەڭگەگە جەتتٸ. ال اۋىل شارۋاشىلىعىنىڭ جالپى ٶنٸم كٶلەمٸ جىل باسىنان بەرگٸ ون ايدا 5,2%-عا ٶسٸپ, 8,9 ترلن تەڭگەنٸ قۇرادى. بۇل تۋرالى ٷكٸمەت وتىرىسىندا اۋىل شارۋاشىلىعى مينيسترٸ ايداربەك ساپاروۆ مەلٸمدەدٸ, دەپ حابارلايدى dalanews.kz.

مينيستردٸڭ ايتۋىنشا, مەملەكەتتٸك قولداۋ شارالارى ٶندٸرٸستٸ كەڭەيتۋگە, اۋىل شارۋاشىلىعى تەحنيكاسىن جاڭارتۋعا جەنە فەرمەرلەر ٷشٸن قارجىلاندىرۋدىڭ قولجەتٸمدٸلٸگٸن ارتتىرۋعا باعىتتالعان.

سۋبسيدييا تٷرٸندەگٸ قولداۋمەن شامامەن 25 مىڭ شارۋاشىلىق قامتىلعان. ونىڭ 90%-عا جۋىعى شاعىن جەنە ورتا شارۋاشىلىقتارعا تيەسٸلٸ.

مينيستر سۋبسيدييا شارۋالاردىڭ الدىن الا جۇمساعان شىعىندارىنىڭ بٸر بٶلٸگٸن ٶتەۋگە باعىتتالعانىن اتاپ ٶتتٸ. فەرمەرلەر الدىمەن تۇقىم, تەحنيكا, مينەرالدىق تىڭايتقىشتار مەن ٶسٸمدٸكتەردٸ قورعاۋ قۇرالدارىن ساتىپ الادى. كەيٸن ناقتى جۇمسالعان شىعىندارىنىڭ بٸر بٶلٸگٸ ٶتەلەدٸ.

سونداي-اق قاراجات بٶلۋدٸڭ اشىقتىعىن ارتتىرۋ ٷشٸن سۋبسيدييالاۋدىڭ مەملەكەتتٸك اقپاراتتىق جٷيەسٸ جاڭعىرتىلادى.

«بيىل جەڭٸلدٸكپەن بەرٸلەتٸن كرەديت كٶلەمٸ العاش رەت 1,2 ترلن تەڭگەگە جەتتٸ. ٶندٸرۋشٸلەردٸ قامتۋدى كەڭەيتۋ ٷشٸن كرەديت بەرۋدٸڭ التى ارناسى ٸسكە قوسىلعان. كەپٸلمەن قامتاماسىز ەتۋ مٷمكٸندٸگٸ جەتكٸلٸكسٸز شارۋاشىلىقتار ٷشٸن قارىزدارعا كەپٸلدٸك بەرۋ تەتٸگٸ قولدانىلادى», - دەدٸ ايداربەك ساپاروۆ.

ونىڭ مەلٸمەتٸنشە, 2027 جىلعى ەگٸس ناۋقانىن ەرتە قارجىلاندىرۋعا ٶتٸنٸم قابىلداۋ 1 قازاندا باستالعان.