Prezident Qasym-Jomart Toqaev Air Astana kompaniiasynyń bas atqarýshy direktory Ibragim Janlyeldi qabyldady, dep habarlaidy dalanews.kz.
Memleket basshysyna Ortalyq Aziia men Kavkazdaǵy jetekshi áýe kompaniiasynyń operatsiialyq jáne qarjylyq kórsetkishteri týraly baiandaldy. Sonymen qatar Air Astana 2026–2027 jyldary Boeing 787 Dreamliner jańa býyn ushaqtaryn ákelýdi josparlap otyrǵany aityldy.
Qazirgi tańda kompaniia Airbus A320neo jáne A321neo úlgisindegi 50 ushaqqa, sondai-aq Boeing 787-9 úlgisindegi 15 áýe kemesine tapsyrys bergen. Jańa ushaqtar 2036 jylǵa deiin kezeń-kezeńimen jetkiziledi.
Kezdesý barysynda kompaniianyń Qazaqstandy óńirlik aviatsiialyq hab retinde damytýǵa baǵyttalǵan uzaqmerzimdi strategiiasy tanystyryldy. Josparǵa sáikes jańa halyqaralyq baǵyttar ashylyp, reister sany kóbeiedi, mýltimodaldi tasymal damytylady jáne tsifrlyq tehnologiialar keńinen engiziledi.
Prezident áýe parkin jańartý men baǵyttar jelisin keńeitýdiń mańyzyn atap ótip, AQSh pen Japoniiaǵa tikelei áýe reisterin ashýdy basym mindetterdiń biri retinde atady.
Sonymen qatar Memleket basshysy reisterdiń keshigýi men ushaqtardyń jii aýystyrylýy siiaqty jolaýshylar tarapynan synǵa ushyrap júrgen máselelerge erekshe nazar aýdaryp, qazaqstandyqtar jii qatynaityn eldermen áýe qatynasyn keńeitýdi tapsyrdy.
