Tanymal qoǵam belsendisi, "Atameken" kásipkerler palatasy tóraǵasynyń keńesshisi Almas Erjan búginderi álemniń "qyzyl núktesi" - áskerı urys qımyldar júrip jatqan aımaqtardan bas saýǵalaı qashqan bosqyndardy qabyldap, Qazaqstannan baspana berýdi usynady, dep habarlaıdy Dalanews.kz.
"Nege Qazaqstanǵa Iran, Gaza sektory, tipti Izraılden bas saýǵalaı qashyp, pana izdegen jandardy qabyldamasqa? Kóbine, nasıhat ıdeologıasynda "Qazaqstan - kez kelgen din, kez kelgen kózqarastaǵy barlyq adamnyń kıeli mekeni, altyn besigi" dep sıpattalyp jatady emes pe? Olardan kelgen kásipkerler, ǵalymdar, dárigerler, pedagogtar jáne ózge de ilim men bilimge baı mamandarǵa bizden jumys ta tabylar edi. Balalary da el qatarly oqyp, otbasylary da qaýipsiz jerde ómir súrýge múmkindik alar edi. Menińshe, Qazaqstan 50 mln adamǵa deıin qabyldaýǵa qaýqarly. Jer de, jumys ta bárine jetedi, tarlanyp qaıtemiz, keń qazaq emespiz be" dep meńzeı jazypty Almaz Erjan Facebook-tegi paraqshasynda.
Onyń ortaǵa salǵan bul oıy jelidegilerdiń qyzý talqysyna túsip jatqan jaıy bar.
Aıta ketsek, Izraıl áskerı-áýe kúshteri 13 maýsymǵa qaraǵan túni Irandaǵy áskerı jáne ónerkásiptik nysandarǵa soqqy berip, Tegerannyń ıadrolyq baǵdarlamasyna qarsy operasıany júzege asyrdy. Tel-Avıv tótenshe jaǵdaı rejımin engizdi, óıtkeni olar jaýapty soqqyǵa daıyndalýda. Irannyń rýhanı kóshbasshysy Aıatolla Álı Hameneı Izraıldiń Islam respýblıkasyna jasaǵan áýe shabýylyn qatty synǵa alyp, jaýaptyń qatań bolatynyn eskertti. Izraıldiń Iranǵa shabýyly aıasynda Brent munaıynyń bir barreli 78,5 dollarǵa deıin qymbattap, qazir baǵa sál-pál tústi.
