Astanadaǵy avtobýs apatynda eki aiaǵynan aiyrylǵan Alýa Bekenniń jaqyndary málimdeme jasady, dep habarlaidy Dalanews.kz.
Astanadaǵy avtobýs apatynan eki aiaǵynan aiyrylǵan 7 jasar Alýanyń jaqyndary №1 avtopark basshylyǵymen kezdesýden keiin resmi málimdeme jasady. Olar bul áńgimeniń emotsiialyq turǵyda óte aýyr ótkenin atap ótti.
"Búgin biz №1 avtoparktiń basqarma tóraǵasy Madiiar Túkpatovpen óte aýyr ári tolǵandyrarlyq kezdesý ótkizdik. Onyń bizdiń otbasymyzdyń qaiǵysyna, Alýaǵa shynaiy janashyrlyqpen qaraǵanyna kýá boldyq", – dedi Alýanyń aǵalarynyń biri.
Olardyń aitýynsha, avtopark basshysy jol-kólik oqiǵasy úshin jaýapkershilikten jaltarmaitynyn jetkizgen. «Madiiar Túkpatov Alýa men Mahabbattyń taǵy tórt balasynyń ómir boiǵy laiyqty ómir súrýine qajet barlyq shyǵyndy №1 avtopark óz moinyna alatynyn ýáde etti», – deidi týystary.
Qazir otbasy zańgerler men ekonomisterdi tartqan. Olar infliatsiiany eskere otyryp, Alýa men otbasynyń ómir boiǵy shyǵyndaryn eseptep jatyr.
"Kelisimdi zańdy túrde qalai rásimdeimiz jáne ákimdiktiń bul iske naqty aralasýy qandai bolady – ony aldaǵy ýaqytta bólisetin bolamyz", – dep málimdedi olar.
Alýanyń týystary barsha qazaqstandyqtarǵa júrekjardy alǵys bildirdi.
"Bizdiń búkil otbasymyz osy tragediiadan syrt ainalmai, qoldaý bildirgen árbirińizge shyn júrekten alǵys aitady. Laik basqan, repost jasaǵan, pikir jazǵan, jeke habarlama joldaǵan jandardyń bárine rizamyz", – delingen málimdemede.
Olar Alýa men onyń otbasy úshin duǵa etip, jaqyndarymen bólisken, qarjylai jáne zattai kómek kórsetken barsha halyqtyń júregi eljiregenin sezingenderin aitty. «Mahabbattyń túnde jylap, kúndiz meilinshe sabyrly kórinýge tyrysqanynyń kýásimiz», – dedi olar.
"Sizderdiń árqaisyńyzdyń qoldaýlaryńyzdyń arqasynda biz Alýaǵa barynsha jaily bolashaqty zańdy túrde rásimdeýge kiristik. Búkil otbasymyzdyń atynan sizderge taǵzym etemiz!", – dep túiindedi olar.
Sonymen qatar otbasy músheleri kólik qaýipsizdigine qatysty barlyq máseleni avtopark pen ákimdik aldyna qoiatynyn da málim etti.
Aita keteiik, buǵan deiin Astanadaǵy avtobýs apatynan aiaǵynan aiyrylǵan 7 jastaǵy qyzdyń jaǵdaiyna bailanysty aǵasy málimdeme jasaǵan edi.
Aǵasynyń aitýynsha, Alýa kúndiz-túni kóz ilmeidi, tynysh uiqydan aiyrylǵan.
"Múldem uiyqtamaidy. Kúndiz de, túnde de mazasy joq. Azdap tynyqsyn dep dári berýge týra keledi. Kóz jasyn tyimai, únemi “aiaǵym qaida?” dep suraidy. Bul suraǵy júrekti qaq aiyryp, janymyzǵa batady. Jalpy meditsinalyq jaǵdaiy – birqalypty", – dep jazady ol.
Alýanyń halin balalar ombýdsmeni Dinara Zakieva da arnaiy baryp bildi.
"Alýashpen jáne anasymen jolyqtyq. Protezdeý men ońaltý jaiyn talqyladyq. Qyzymyzben syrlasyp, kitap oqydyq. Biraz pitstsa jedi, únemi “meni kóterip júrshi” nemese “dalaǵa shyǵaiyqshy” dep surai beredi", – dedi ombýdsmen.
Dinara Zakieva bul otbasynyń jaǵdaiy Astana qalasynyń ákimi Jeńis Qasymbektiń tikelei baqylaýynda ekenin de atap ótti.
Eske sala keteiik, buǵan deiin elordada jolaýshylar avtobýsy apatqa ushyrap, birneshe adam jaraqat alǵan bolatyn. Alýa – sol apattyń eń aýyr zardap shekken jolaýshylarynyń biri.
