Astanada avtobýs qaǵyp ketken 12 jastaǵy Alýa Bekenniń otbasyna 19 million 660 myń teńge kóleminde saqtandyrý ótemaqysy tólendi. Bul týraly «Evraziia» saqtandyrý kompaniiasy habarlady. Ótemaqy jolaýshylar aldyndaǵy tasymaldaýshynyń mindetti saqtandyrýy aiasynda berilgen, dep habarlaidy Dalanews.kz.
Saqtandyrý kompaniiasynyń málimdeýinshe, Alýa uzaq merzimdi em men ońaltýdy qajet etedi, ári keiin protez salý josparlanyp otyr. Osyny eskere otyryp, qosymsha qujattar – onyń ishinde múgedektik týraly anyqtama – tolyq jinalmaǵanyna qaramastan, kompaniia ótemaqyny tolyq kólemde tóleý týraly sheshim qabyldaǵan.
«Evraziia» SK zań boiynsha jol-kólik oqiǵasy saldarynan bala múgedek bolǵan jaǵdaida 5 000 AEK mólsherinde, iaǵni 19,66 mln teńge ótemaqy qarastyrylǵan dep túsindirdi.
Qazirgi qoldanystaǵy zańnamaǵa sáikes, múgedektik anyqtamasyn alý úshin azamattar mediko-áleýmettik saraptamadan (MÁS) ótýi kerek. Bul protsess biraz ýaqyt alady. Sol sebepti barlyq qajetti qujattar túsip otyrǵan tártippen saqtandyrý isine tirkeletin bolady.
Kompaniia ókilderi habarlaǵandai, jol apatynan keiin «Evraziia» SK arnaiy jedel jeli uiymdastyryp, oǵan apat kezinde zardap shekken jolaýshylar nemese olardyń zańdy ókilderi habarlasqan. Barlyq suraqtar boiynsha keńester berilip, qoldanystaǵy zańnamaǵa sáikes ótemaqy alý tártibi túsindirilgen.
