Kaspii teńizinde áskeri oqý-jattyǵý kezinde qaza tapqan 14 sarbazǵa qatysty kóripkel Aqgúl Esetqyzy kútpegen málimdeme jasady. Ol marqum áskeri qyzmetshilerdi aian retinde kórgenin aityp, ózine erekshe áser qaldyrǵan kórinisti baiandady.
Aqgúl Esetqyzy bul týraly jýrnalist Janar Baisemizge bergen suhbatynda aitqan.
Kóripkeldiń sózinshe, Kaspii teńizindegi qaiǵyly oqiǵadan keiin qaza tapqan áskeri qyzmetshiler oǵan aian bergendei bolǵan. Ol kórgen kórinisinde sarbazdardyń ústi-basy sý bolyp, qatty tońyp turǵanyn jetkizdi.
Aqgúl Esetqyzy suhbat barysynda ózin erekshe tolqytqan kórinisti sipattaǵan.
"Ólgen sarbazdar kelip menen kómek surady. Qatty tońdy, ústerine qurǵaq oramal japqym keldi. Ústeri malmandai sý. Men bul áńgimeni esh jerge jazǵan joqpyn. Adamdar qoryqpasyn dedim. Olardyń aýyzy ine-jippen tigilip turdy", – dedi ol.
Kóripkeldiń aitýynsha, aianda kórgen sarbazdar ózderiniń ómirden ótkenin túsinbegendei áser qaldyrǵan. Ol olarmen sóilesýge tyrysqanyn, alaida tildese almaǵanyn aitady.
"Tiriler men óliler áleminde zańdylyq bar. Olardy estisiń, biraq sóilese almaisyń. Qatty tońyp, dirildep turdy. Olar ózderiniń ólip qalǵanyn da túsinip turǵan joq", – dedi Aqgúl Esetqyzy.
Bul – suhbat keiipkeriniń jeke sezimi men túsindirýine negizdelgen áńgime. Onyń aitqandary sarbazdardyń qaza bolý jaǵdaiyn nemese deneleriniń naqty kúiin sipattaityn meditsinalyq ne tergeý deregi emes.
Kaspiide 14 áskeri qyzmetshi qaza tapqan
Eske sala keteiik, 2026 jylǵy 24 qyrkúiekte Mańǵystaý oblysynda Kaspii teńizinde áskeri oqý-jattyǵý kezinde qaiǵyly oqiǵa boldy. Aýa raiynyń kúrt buzylýynan bir top áskeri qyzmetshini teńiz aǵysy alyp ketken.
Alǵashqy málimetterde 12 adamnyń qaza tapqany aitylǵan. Keiin izdestirý jumystary barysynda taǵy eki áskeri qyzmetshiniń denesi tabylyp, marqumdar sany 14-ke jetti.
Úsh áskeri qyzmetshi aman qalǵan.
Atalǵan jaǵdaiǵa bailanysty Qazaqstanda 25 qyrkúiek jalpyulttyq aza tutý kúni bolyp jariialandy. Oqiǵa boiynsha "Qyzmetke salǵyrt qaraý" jáne "Keme júrgizý qaǵidalaryn buzý" baptarymen qylmystyq is qozǵalyp, tergeý bastalǵan.
Qaiǵyly jaǵdaidyń naqty sebepteri men jaýapty tulǵalardyń áreketine quqyqtyq baǵa tergeý nátijesinde beriledi.
