كاسپيي تەڭٸزٸندە ەسكەري وقۋ-جاتتىعۋ كەزٸندە قازا تاپقان 14 ساربازعا قاتىستى كٶرٸپكەل اقگٷل ەسەتقىزى كٷتپەگەن مەلٸمدەمە جاسادى. ول مارقۇم ەسكەري قىزمەتشٸلەردٸ ايان رەتٸندە كٶرگەنٸن ايتىپ, ٶزٸنە ەرەكشە ەسەر قالدىرعان كٶرٸنٸستٸ باياندادى.
اقگٷل ەسەتقىزى بۇل تۋرالى جۋرناليست جانار بايسەمٸزگە بەرگەن سۇحباتىندا ايتقان.
كٶرٸپكەلدٸڭ سٶزٸنشە, كاسپيي تەڭٸزٸندەگٸ قايعىلى وقيعادان كەيٸن قازا تاپقان ەسكەري قىزمەتشٸلەر وعان ايان بەرگەندەي بولعان. ول كٶرگەن كٶرٸنٸسٸندە ساربازداردىڭ ٷستٸ-باسى سۋ بولىپ, قاتتى توڭىپ تۇرعانىن جەتكٸزدٸ.
اقگٷل ەسەتقىزى سۇحبات بارىسىندا ٶزٸن ەرەكشە تولقىتقان كٶرٸنٸستٸ سيپاتتاعان.
"ٶلگەن ساربازدار كەلٸپ مەنەن كٶمەك سۇرادى. قاتتى توڭدى, ٷستەرٸنە قۇرعاق ورامال جاپقىم كەلدٸ. ٷستەرٸ مالمانداي سۋ. مەن بۇل ەڭگٸمەنٸ ەش جەرگە جازعان جوقپىن. ادامدار قورىقپاسىن دەدٸم. ولاردىڭ اۋىزى ينە-جٸپپەن تٸگٸلٸپ تۇردى", – دەدٸ ول.
كٶرٸپكەلدٸڭ ايتۋىنشا, اياندا كٶرگەن ساربازدار ٶزدەرٸنٸڭ ٶمٸردەن ٶتكەنٸن تٷسٸنبەگەندەي ەسەر قالدىرعان. ول ولارمەن سٶيلەسۋگە تىرىسقانىن, الايدا تٸلدەسە الماعانىن ايتادى.
"تٸرٸلەر مەن ٶلٸلەر ەلەمٸندە زاڭدىلىق بار. ولاردى ەستيسٸڭ, بٸراق سٶيلەسە المايسىڭ. قاتتى توڭىپ, دٸرٸلدەپ تۇردى. ولار ٶزدەرٸنٸڭ ٶلٸپ قالعانىن دا تٷسٸنٸپ تۇرعان جوق", – دەدٸ اقگٷل ەسەتقىزى.
بۇل – سۇحبات كەيٸپكەرٸنٸڭ جەكە سەزٸمٸ مەن تٷسٸندٸرۋٸنە نەگٸزدەلگەن ەڭگٸمە. ونىڭ ايتقاندارى ساربازداردىڭ قازا بولۋ جاعدايىن نەمەسە دەنەلەرٸنٸڭ ناقتى كٷيٸن سيپاتتايتىن مەديتسينالىق نە تەرگەۋ دەرەگٸ ەمەس.
كاسپييدە 14 ەسكەري قىزمەتشٸ قازا تاپقان
ەسكە سالا كەتەيٸك, 2026 جىلعى 24 قىركٷيەكتە ماڭعىستاۋ وبلىسىندا كاسپيي تەڭٸزٸندە ەسكەري وقۋ-جاتتىعۋ كەزٸندە قايعىلى وقيعا بولدى. اۋا رايىنىڭ كٷرت بۇزىلۋىنان بٸر توپ ەسكەري قىزمەتشٸنٸ تەڭٸز اعىسى الىپ كەتكەن.
العاشقى مەلٸمەتتەردە 12 ادامنىڭ قازا تاپقانى ايتىلعان. كەيٸن ٸزدەستٸرۋ جۇمىستارى بارىسىندا تاعى ەكٸ ەسكەري قىزمەتشٸنٸڭ دەنەسٸ تابىلىپ, مارقۇمدار سانى 14-كە جەتتٸ.
ٷش ەسكەري قىزمەتشٸ امان قالعان.
اتالعان جاعدايعا بايلانىستى قازاقستاندا 25 قىركٷيەك جالپىۇلتتىق ازا تۇتۋ كٷنٸ بولىپ جارييالاندى. وقيعا بويىنشا "قىزمەتكە سالعىرت قاراۋ" جەنە "كەمە جٷرگٸزۋ قاعيدالارىن بۇزۋ" باپتارىمەن قىلمىستىق ٸس قوزعالىپ, تەرگەۋ باستالعان.
قايعىلى جاعدايدىڭ ناقتى سەبەپتەرٸ مەن جاۋاپتى تۇلعالاردىڭ ەرەكەتٸنە قۇقىقتىق باعا تەرگەۋ نەتيجەسٸندە بەرٸلەدٸ.
