«KIA Qazaqstan» JShS – Qazaqstandaǵy KIA brendimen jeńil avtokólikter óndiretin jetekshi kásiporyndardyń biri – eldiń indýstriialyq damýyna serpin beretin aýqymdy investitsiialyq jobany iske asyrýda, dep habarlaidy Dalanews.kz.
Joba aiasynda jylyna 70 000-nan astam avtokólik shyǵaratyn tolyq tsikldi (CKD) zaýyt salý kózdelgen. Jalpy jobanyń quny 131,5 mlrd teńgeni quraidy, onyń ishinde 116,5 mlrd teńge – KIA kompaniiasynyń tikelei investitsiialary. Óndiris 2025 jyldyń qazan aiynda iske qosylady dep josparlanǵan.
Jobany júzege asyrý nátijesinde 1 500 jańa jumys orny ashylady, bul óńirdegi jumyspen qamtýdy arttyryp, jergilikti óndiristik tizbekterdi damytýǵa jol ashady.
Atalǵan joba Memleket Basshysynyń tapsyrmasymen qalyptastyrylǵan 17 iri indýstriialyq bastamanyń biri bolyp tabylady. Onyń negizgi maqsaty – otandyq óndiristi keńeitý, zamanaýi tehnologiialardy engizý jáne Qazaqstandy Ortalyq Aziiadaǵy avtokólik óndirisiniń mańyzdy ortalyǵyna ainaldyrý.
KIA Qazaqstan zaýyty tehnologiialyq damýdyń simvolyna ainalyp, halyqaralyq biznes pen memlekettik indýstriialyq saiasattyń tiimdi seriktestiginiń jarqyn úlgisi bolmaq.
