Búgin geosaiasi ahýal qiyndap, Izraildiń Iranǵa áýeden jasaǵan shabýyly aiasynda munai baǵamy sharyqtap shyǵa keldi. Sondai-aq álemdik qor naryǵyndaǵy baǵalar da qubyla jóneldi. Árine, bul óz kezeginde Qazaqstandaǵy aqsha baǵamyna da áser etip úlgerdi. Qazaqstan qor birjasyndaǵy sońǵy málimetterge sáikes, bir kún burynǵy resmi baǵammen salystyrǵanda 1 AQSh dollary 4 teńgege jýyq qymbattap, 511,77 teńge bolsa, al evro quny 12 teńgege bir-aq kóterilgen: 580,82 teńgeden 593,19 teńgege deiin, dep habarlaidy Dalanews.kz.
Sonymen búgingi 2025 jyldyń 13 maýsymynda QR Ulttyq Banki bekitken resmi baǵam:
- 1 AQSh dollary (USD): 511,77 teńge.
- 1 eýro (EUR): 593,19 teńge.
- 1 Resei rýbli (RUB): 6,41 teńge.
Al elimizdegi aqsha aiyrbas oryndaryndaǵy baǵa tómendegidei (satyp alý men satý aqsha aiyrbasy tarapynan kórsetilgen):
Astana
- 1 AQSh dollary: satyp alý - 508 teńge, satý - 514 teńge;
- 1 eýro: satyp alý - 583 teńge, satý - 593 teńge;
- 1 Resei rýbli: satyp alý - 6,32 teńge, satý - 6,47 teńge.
Almaty
- 1 AQSh dollary: satyp alý - 511,2 teńge, satý - 513 teńge;
- 1 eýro: satyp alý - 587 teńge, satý - 592 teńge;
- 1 Resei rýbli: satyp alý - 6,34 teńge, satý - 6,46 teńge.
Shymkent
1 AQSh dollary: satyp alý - 510 teńge, satý - 513 teńge;
1 eýro: satyp alý - 586 teńge, satý - 591 teńge;
1 Resei rýbli: satyp alý - 6,35 teńge, satý - 6,40 teńge.
Buǵan deiin saitymyzda "Maýsym aiyndaǵy infliatsiia, dollar baǵamy, bazalyq mólsherleme: sarapshylar boljamy qandai" degen material jariialanǵan bolatyn.
