Prodiýser, aktrisa Móldir Muqan áleýmettik jelidegi paraqshasynda otbasyndaǵy qýanyshty jańalyǵyn bólisti. Óner iesi tuńǵysh qyzynyń diplom alǵanyn aityp, oǵan júrekjardy tilegin arnady, dep habarlaidy dalanews.kz.
Móldir Muqan bul kúnge jetýdiń ózi úlken qýanysh ekenin jazyp, qyzynyń jetistigine shúkirshilik etti.
"Tula boiym tuńǵyshym diplomyn aldy. Shúkir, osy kúnge de jettik!" – dep jazdy ol.
Aktrisa qyzyna arnaǵan jazbasynda diplomnyń artynda úlken eńbek, sabyr men kóz jasy turǵanyn aitty. Ol qyzynyń talpynysy men eńbegin erekshe atap ótip, ár belesinde janynan tabylatynyn jetkizdi.
"Ademok, sen bilesiń, bul diplom bir japyraq qaǵaz bolyp turǵanymen, onyń artynda ekeýmizdiń sabyrymyz, kóz jasymyz, seniń úlken eńbegiń bar! Kózińdegi otyń sónbesin! Alla ǵumyr, densaýlyq, kúsh-qýat bersin, men ár belesińde janyńnan tabylamyn! Saǵan senemin!" – dep jazdy Móldir Muqan.
Jazba sońynda óner iesi barlyq analardyń qýanyshy baiandy bolyp, qyzdarynyń joly ashyq bolsyn degen tilegin bildirdi.
Jeli qoldanýshylary Móldir Muqannyń qýanyshyna ortaqtasyp, qyzyna aq tilekterin arnady. Kópshilik ana men qyzdyń arasyndaǵy jyly bailanystyń áserli ekenin jazyp, jas túlekke sáttilik tiledi.
