پروديۋسەر, اكتريسا مٶلدٸر مۇقان ەلەۋمەتتٸك جەلٸدەگٸ پاراقشاسىندا وتباسىنداعى قۋانىشتى جاڭالىعىن بٶلٸستٸ. ٶنەر يەسٸ تۇڭعىش قىزىنىڭ ديپلوم العانىن ايتىپ, وعان جٷرەكجاردى تٸلەگٸن ارنادى, دەپ حابارلايدى dalanews.kz.
مٶلدٸر مۇقان بۇل كٷنگە جەتۋدٸڭ ٶزٸ ٷلكەن قۋانىش ەكەنٸن جازىپ, قىزىنىڭ جەتٸستٸگٸنە شٷكٸرشٸلٸك ەتتٸ.
"تۇلا بويىم تۇڭعىشىم ديپلومىن الدى. شٷكٸر, وسى كٷنگە دە جەتتٸك!" – دەپ جازدى ول.
اكتريسا قىزىنا ارناعان جازباسىندا ديپلومنىڭ ارتىندا ٷلكەن ەڭبەك, سابىر مەن كٶز جاسى تۇرعانىن ايتتى. ول قىزىنىڭ تالپىنىسى مەن ەڭبەگٸن ەرەكشە اتاپ ٶتٸپ, ەر بەلەسٸندە جانىنان تابىلاتىنىن جەتكٸزدٸ.
"ادەموك, سەن بٸلەسٸڭ, بۇل ديپلوم بٸر جاپىراق قاعاز بولىپ تۇرعانىمەن, ونىڭ ارتىندا ەكەۋمٸزدٸڭ سابىرىمىز, كٶز جاسىمىز, سەنٸڭ ٷلكەن ەڭبەگٸڭ بار! كٶزٸڭدەگٸ وتىڭ سٶنبەسٸن! اللا عۇمىر, دەنساۋلىق, كٷش-قۋات بەرسٸن, مەن ەر بەلەسٸڭدە جانىڭنان تابىلامىن! ساعان سەنەمٸن!" – دەپ جازدى مٶلدٸر مۇقان.
جازبا سوڭىندا ٶنەر يەسٸ بارلىق انالاردىڭ قۋانىشى باياندى بولىپ, قىزدارىنىڭ جولى اشىق بولسىن دەگەن تٸلەگٸن بٸلدٸردٸ.
جەلٸ قولدانۋشىلارى مٶلدٸر مۇقاننىڭ قۋانىشىنا ورتاقتاسىپ, قىزىنا اق تٸلەكتەرٸن ارنادى. كٶپشٸلٸك انا مەن قىزدىڭ اراسىنداعى جىلى بايلانىستىڭ ەسەرلٸ ەكەنٸن جازىپ, جاس تٷلەككە سەتتٸلٸك تٸلەدٸ.
