Jetisý oblysynda qyzdy birneshe ai boiy ańdyp, dúkende pyshaqpen qoqan-loqy kórsetken er adam májbúrli emdeýge jiberildi, dep habarlaidy dalanews.kz.
Jetisý oblystyq sotynyń málimetinshe, Alakól aýdandyq soty er adamǵa qatysty qylmystyq jaýaptylyqtan bosatyp, jalpy úlgidegi psihiatriialyq statsionarda májbúrli emdeý sharasyn qoldaný týraly sheshim shyǵardy.
Sot-psihologiialyq-psihiatriialyq saraptamanyń qorytyndysyna sáikes, aiyptalýshy «paranoidty shizofreniia» dertine shaldyqqan. Sarapshylar onyń qoǵamdyq qaýipti áreketterdi jasaǵan kezde óz is-áreketiniń mánin jáne qaýiptiligin túsine almaǵanyn ári áreketin basqara almaǵanyn anyqtaǵan.
Sot málimetinshe, er adam birneshe ai boiy jábirlenýshiniń erkine qaramastan onymen bailanys ornatýǵa tyrysyp, «Men seni súiemin, meniń áielim bol» degen sózder aityp, áleýmettik jeliler arqyly únemi habarlama jiberip otyrǵan. Bul qyzdyń boiynda qorqynysh pen mazasyzdyq týǵyzǵan.
Sonymen qatar, jergilikti dúkenderdiń birinde ol jábirlenýshini balaǵattap, ar-namysyna tietin sózder aitqan. Dúkendegi kýágerdiń eskertýinen keiin er adam úiine baryp pyshaq alyp kelgen. Keiin dúkenge qaita oralyp, kýágerge qarai pyshaq sermep, qoǵamdyq tártipti buzǵan.
Sot qaýlysy zańdy kúshine engen joq.
