Aqmola oblysyndaǵy balalar lagerinde alty bala tamaqtan ýlandy, dep habarlaidy dalanews.kz.
Aqmola oblysynyń sanitariialyq-epidemiologiialyq baqylaý departamentiniń málimetinshe, jyl boiy jumys isteitin balalardy saýyqtyrý lagerinde taǵamnan bolǵan toptyq juqpaly aýrý tirkelgen.
Zardap shekken alty balanyń tórteýi kópbeiindi oblystyq balalar aýrýhanasynyń juqpaly aýrýlar bólimine jatqyzyldy. Qalǵan eki bala ambýlatoriialyq em qabyldap jatyr. Barlyǵyna qajetti meditsinalyq kómek kórsetilýde.
Oqiǵa ornyna sanitariialyq-epidemiologiialyq baqylaý basqarmasynyń mamandary barǵan.
Qazirgi ýaqytta taǵam ónimderinen, sýdan, shaiyndy synamalar alynyp, lager qyzmetkerleri ishek infektsiialaryn tasymaldaýshylyqqa tekserilýde.
Oqiǵanyń sebepterin anyqtaý jáne epidemiiaǵa qarsy is-sharalar jalǵasyp jatyr.
