Mamyr aiynyń sońynan bastap jelide kópqabatty turǵyn úilerdiń aýlalarynda kilem jýǵany úshin qazaqstandyqtarǵa 400 myń teńgege deiin aiyppul salynady degen aqparat belsendi tarala bastady, dep habarlaidy Dalanews.kz.
Bul jańalyqtyń mán-jaiyn Qostanai oblystyq politsiia departamentiniń ýchaskelik politsiia qyzmeti bóliminiń bastyǵy Ernur Altaev túsindirdi. Onyń sózinshe, mundai joǵary aiyppul somasy shyndyqqa janaspaityny belgili boldy. Alaida mundai áreket úshin ákimshilik jaza bar ekeni rastaldy.
Politsiianyń habarlaýynsha, QR Ákimshilik quqyqbuzýshylyq týraly kodeksiniń 505-babyna sáikes, kilemder men basqa da zattardy úi aýlasynda jýý eldi mekenderdi abattandyrý jáne sanitarlyq kútip-ustaý erejelerin buzýmen teńestiriledi.
"Mundai áreketter ákimshilik jaýapkershilikke ákelýi múmkin. Biraq aiyppul kólemi quqyqbuzýshynyń mártebesine bailanysty. Alǵash ret eskertý beriledi. Eger quqyqbuzýshylyq qaitalansa – aiyppul salynady", - dedi Qostanai qalasy Politsiia basqarmasynyń ýchaskelik politsiia qyzmeti bóliminiń bastyǵy Ernur Altaev "Nash Kostanai" basylymyna bergen suhbatynda.
Aiyppul kólemi:
Jeke tulǵalar úshin – 20 AEK-ke deiin (2025 jyly bul 78 640 teńge);
Shaǵyn biznes sýbektileri men ÚEU úshin – 30 AEK-ke deiin (117 960 teńge);
Orta biznes úshin – 40 AEK-ke deiin (157 280 teńge);
Iri biznes úshin – 100 AEK-ke deiin (393 200 teńge).
Buzýshylyqtar josparly tekseris barysynda da, azamattardyń shaǵymdary negizinde de tirkeledi.
Negizgi sebepter mynalar: las sýdy tógý, himiialyq jýǵysh zattardy qoldaný, kógaldardy zaqymdaý, jaǵymsyz iis shyǵarý jáne antisanitariialyq jaǵdai týǵyzý.
