Atyraý oblysyndaǵy Jangeldin aýylynda bolǵan qaiǵyly oqiǵadan keiin em qabyldap júrgen Aqbaian Muqanǵalievanyń Instagram paraqshasynda jańa jazba jariialandy. Onda onyń saýyǵyp, balalarymen birge baqytty ómir súrýine tilek bildirilgen, dep habarlaidy dalanews.kz.
Áleýmettik jelide jariialanǵan jazbada Aqbaian Muqanǵalievanyń bolashaǵyna qatysty júrekjardy tilek aitylǵan.
"Balalarynyń ortasynda otyrǵan, máýeli báiterekti kórýdi násip etsin Alla", – delingen Instagram paraqshasyndaǵy jazbada.
Qazirgi ýaqytta Aqbaian Muqanǵalieva densaýlyǵyn qalpyna keltirý úshin júieli túrde em qabyldap, ońaltý sharalarynan ótip jatyr. Jaqyndarynyń aitýynsha, onyń jaǵdaiy birtindep jaqsaryp keledi.
Aqbaian Muqanǵalievanyń qazirgi jaǵdaiy qandai?
Buǵan deiin Aqbaiannyń psihikalyq densaýlyq ortalyǵynan shyqqany habarlanǵan bolatyn. Qazir ol týystarynyń qamqorlyǵynda bolyp, dárigerlerdiń baqylaýymen emin jalǵastyryp jatyr.
Jaqyndary onyń qalypty ómirge qaita beiimdelýine kómektesip keledi. Degenmen tolyq saýyǵýy úshin áli de ýaqyt qajet.
Aqbaian aýrýhanadan shyqqannan keiin balalarymen de birneshe ret kezdesken. Týystarynyń aitýynsha, ol perzentterin tanyp, olarmen birge bolýdy qalaitynyn bildirgen.
