13 maýsym kúni Almaty memlekettik biznes kolledji men Áleýmettik integratsiia ortalyǵynyń birlesip uiymdastyrýymen “Ashyq júrek” atty tárbielik-mańyzdaǵy is-shara ótti,- dep habarlaidy Dalanews.kz
Bul kezdesý Qazaqstanda jariialanǵan Jumysshy mamandyqtar jyly jáne IV Quryltaida qoiylǵan áleýmettik-tárbielik mindetter sheńberinde júzege asty.
Is-shara aiasynda kolledj stýdentteri men óndiristik oqytý sheberleri shokoladty pechene, tabiǵi limonad pen kanape ázirleýden sheberlik saǵattaryn ótkizip, ortalyqtyń tárbielenýshilerimen birge dámdi taǵamdar daiyndady. Sonymen qatar, kolledj stýdentteri ázirlegen tátti toqashtar men bálishter sharaǵa qatysýshylarǵa taratylyp, ár qatysýshynyń kóńilinen oryn aldy.
Sharanyń sharyqtaý shegi – stýdentterdiń uiymdastyrýymen ótken jyly kontserttik baǵdarlama boldy. Bul – eki túrli ortanyń ókilderin biriktirip, meiirimdilik pen ózara túsinistikti arttyrǵan taǵylymdy kezdesý boldy.
«Bizdiń maqsatymyz – bolashaq mamandy daiarlaý ǵana emes, sonymen qatar júregi izgilikke toly tulǵa qalyptastyrý. Mundai is-sharalar stýdentterge de, ortalyqtyń tárbielenýshilerine de rýhani azyq beredi. Bul – shynaiy tájiribe men ómirlik sabaq», – dep atap ótti Almaty memlekettik biznes kolledjiniń direktory Mýkajanova Ainur.
Is-shara barysynda Almaty memlekettik biznes kolledji men Áleýmettik integratsiia ortalyǵy arasynda ózara yntymaqtastyq jónindegi memorandýmǵa qol qoiyldy. Bul qujat – aldaǵy ýaqytta da mundai taǵylymdy kezdesýler jalǵasatynynyń aiǵaǵy.
Ortalyqtyń tárbielenýshileri men qyzmetkerleri uiymdastyrýshylarǵa shynaiy alǵystaryn bildirip, dál osyndai kóńilge jylýlyq syilaityn, qoǵammen aralasýǵa múmkindik beretin kezdesýler jii ótse degen tilekterin jetkizdi.
«Biz bul is-shara arqyly qoǵamdaǵy inkliýzivti jandardyń ortaǵa beiimdelýine úles qosamyz. Sonymen qatar, stýdentterimizdiń júreginde meiirimdilik otyn jaǵamyz. Bul – áleýmettik jaýapkershilik pen shynaiy adamgershiliktiń mektebi», – dedi kolledj direktorynyń tárbie isi jónindegi orynbasary Qurmanáli Juldyz.
Bul bastama – tek kezdesý ǵana emes, úlken bir rýhani kópir. Izgilikpen biriktirgen áriptestik jalǵasyn taba bermek. Sebebi kásipqoilyq pen júrekten shyqqan áreket – kez kelgen qoǵamnyń qozǵaýshy kúshi.
