13 ماۋسىم كٷنٸ الماتى مەملەكەتتٸك بيزنەس كوللەدجٸ مەن ەلەۋمەتتٸك ينتەگراتسييا ورتالىعىنىڭ بٸرلەسٸپ ۇيىمداستىرۋىمەن “اشىق جٷرەك” اتتى تەربيەلٸك-ماڭىزداعى ٸس-شارا ٶتتٸ,- دەپ حابارلايدى Dalanews.kz
بۇل كەزدەسۋ قازاقستاندا جارييالانعان جۇمىسشى ماماندىقتار جىلى جەنە IV قۇرىلتايدا قويىلعان ەلەۋمەتتٸك-تەربيەلٸك مٸندەتتەر شەڭبەرٸندە جٷزەگە استى.
ٸس-شارا اياسىندا كوللەدج ستۋدەنتتەرٸ مەن ٶندٸرٸستٸك وقىتۋ شەبەرلەرٸ شوكولادتى پەچەنە, تابيعي ليموناد پەن كاناپە ەزٸرلەۋدەن شەبەرلٸك ساعاتتارىن ٶتكٸزٸپ, ورتالىقتىڭ تەربيەلەنۋشٸلەرٸمەن بٸرگە دەمدٸ تاعامدار دايىندادى. سونىمەن قاتار, كوللەدج ستۋدەنتتەرٸ ەزٸرلەگەن تەتتٸ توقاشتار مەن بەلٸشتەر شاراعا قاتىسۋشىلارعا تاراتىلىپ, ەر قاتىسۋشىنىڭ كٶڭٸلٸنەن ورىن الدى.
شارانىڭ شارىقتاۋ شەگٸ – ستۋدەنتتەردٸڭ ۇيىمداستىرۋىمەن ٶتكەن جىلى كونتسەرتتٸك باعدارلاما بولدى. بۇل – ەكٸ تٷرلٸ ورتانىڭ ٶكٸلدەرٸن بٸرٸكتٸرٸپ, مەيٸرٸمدٸلٸك پەن ٶزارا تٷسٸنٸستٸكتٸ ارتتىرعان تاعىلىمدى كەزدەسۋ بولدى.
«بٸزدٸڭ ماقساتىمىز – بولاشاق ماماندى دايارلاۋ عانا ەمەس, سونىمەن قاتار جٷرەگٸ ٸزگٸلٸككە تولى تۇلعا قالىپتاستىرۋ. مۇنداي ٸس-شارالار ستۋدەنتتەرگە دە, ورتالىقتىڭ تەربيەلەنۋشٸلەرٸنە دە رۋحاني ازىق بەرەدٸ. بۇل – شىنايى تەجٸريبە مەن ٶمٸرلٸك ساباق», – دەپ اتاپ ٶتتٸ الماتى مەملەكەتتٸك بيزنەس كوللەدجٸنٸڭ ديرەكتورى مۋكاجانوۆا اينۇر.
ٸس-شارا بارىسىندا الماتى مەملەكەتتٸك بيزنەس كوللەدجٸ مەن ەلەۋمەتتٸك ينتەگراتسييا ورتالىعى اراسىندا ٶزارا ىنتىماقتاستىق جٶنٸندەگٸ مەموراندۋمعا قول قويىلدى. بۇل قۇجات – الداعى ۋاقىتتا دا مۇنداي تاعىلىمدى كەزدەسۋلەر جالعاساتىنىنىڭ ايعاعى.
ورتالىقتىڭ تەربيەلەنۋشٸلەرٸ مەن قىزمەتكەرلەرٸ ۇيىمداستىرۋشىلارعا شىنايى العىستارىن بٸلدٸرٸپ, دەل وسىنداي كٶڭٸلگە جىلۋلىق سىيلايتىن, قوعاممەن ارالاسۋعا مٷمكٸندٸك بەرەتٸن كەزدەسۋلەر جيٸ ٶتسە دەگەن تٸلەكتەرٸن جەتكٸزدٸ.
«بٸز بۇل ٸس-شارا ارقىلى قوعامداعى ينكليۋزيۆتٸ جانداردىڭ ورتاعا بەيٸمدەلۋٸنە ٷلەس قوسامىز. سونىمەن قاتار, ستۋدەنتتەرٸمٸزدٸڭ جٷرەگٸندە مەيٸرٸمدٸلٸك وتىن جاعامىز. بۇل – ەلەۋمەتتٸك جاۋاپكەرشٸلٸك پەن شىنايى ادامگەرشٸلٸكتٸڭ مەكتەبٸ», – دەدٸ كوللەدج ديرەكتورىنىڭ تەربيە ٸسٸ جٶنٸندەگٸ ورىنباسارى قۇرمانەلٸ جۇلدىز.
بۇل باستاما – تەك كەزدەسۋ عانا ەمەس, ٷلكەن بٸر رۋحاني كٶپٸر. ٸزگٸلٸكپەن بٸرٸكتٸرگەن ەرٸپتەستٸك جالعاسىن تابا بەرمەك. سەبەبٸ كەسٸپقويلىق پەن جٷرەكتەن شىققان ەرەكەت – كەز كەلگەن قوعامنىڭ قوزعاۋشى كٷشٸ.
