Almaty qalasynda otbasy qundylyqtary men áke tárbiesiniń rólin nyǵaitýǵa baǵyttalǵan «Tárbie basy – áke qolynda» atty qalalyq forým ótti. Is-shara Almaty qalasy Ishki saiasat basqarmasynyń Qoǵamdyq damý ortalyǵy júzege asyrylyp jatqan «Otbasy – baqyt mekenim» jobasy aiasynda uiymdastyryldy, dep habarlaidy dalanews.kz.
Forýmǵa qoǵam qairatkerleri, sarapshylar, pedagogter, jastar jáne qala turǵyndary qatysty. Is-sharaǵa Qazaqstan Jazýshylar odaǵynyń múshesi Saiat Qamshyger, «Ideal jigit» kitabynyń avtory, sertifikattalǵan koých Erlan Ábdiruly, «Otbasy qupiiasy» baǵdarlamasynyń avtory, «Otbasyn qoldaý» ortalyǵynyń keńesshisi Bahyt Amangeldi, sondai-aq Qazaqstan franchaizing qaýymdastyǵynyń prezidenti, jazýshy, pýblitsist Beknur Qisyqov qatysty. Jalpy forýmǵa 200-ge jýyq adam jinaldy.
Forým baǵdarlamasy eki taqyryptyq bloktan turdy. Kezdesý barysynda otbasy institýtyn nyǵaitý, áke institýtynyń qoǵamdaǵy rólin arttyrý, jaýapty ákelik mádenietti qalyptastyrý jáne ulttyq qundylyqtardy dáripteý máseleleri talqylandy.
Spikerler óz baiandamalarynda otbasy institýtyndaǵy ákeniń róline erekshe nazar aýdaryp, bala tárbiesindegi ákeniń missiiasy tek materialdyq qamtamasyz etýmen shektelmeitinin atap ótti. Sonymen qatar balanyń tulǵalyq, áleýmettik jáne rýhani qalyptasýyndaǵy ákeniń orny, ata-ana arasyndaǵy úilesimdi qarym-qatynas, otbasylyq jaýapkershilik mádenieti jáne tárbiedegi sabaqtastyq máseleleri qozǵaldy.
Talqylaý aiasynda qazirgi qoǵamdaǵy áke beinesiniń transformatsiiasy, bala tárbiesindegi psihologiialyq qoldaýdyń mańyzdylyǵy jáne otbasy qundylyqtaryn saqtaýdyń qoǵamdyq turaqtylyqqa áseri jóninde pikir almasý ótti.
Forým sheńberinde paneldik pikirtalastar uiymdastyrylyp, qatysýshylar otbasylyq saiasatty jetildirý, áke institýtyn damytý jáne tárbie jumysyndaǵy zamanaýi tásilderdi engizý boiynsha usynystaryn ortaǵa saldy. Ashyq dialog formatyndaǵy alań qatysýshylar arasynda tájiribe almasýǵa múmkindik berdi.
Is-shara qorytyndysynda otbasy institýtyn nyǵaitý, áke tárbiesiniń qoǵamdyq mańyzyn arttyrý jáne jaýapty ákelik mádenietti damytý baǵytyndaǵy jumysty jalǵastyrýdyń mańyzdylyǵy atap ótildi.
