Kásibi mereke — Meditsina qyzmetkerleri kúni qarsańynda Almatyda saltanatty shara ótti. Onda densaýlyq saqtaý júiesiniń úzdik ókilderi marapattaldy,- dep habarlaidy Dalanews.kz
Saltanatty rásimge qala ákimi Darhan Satybaldy qatysyp, meditsina qyzmetkerlerine mamandyǵyna adaldy men joǵary kásibiligi jáne joǵary jaýapkershiligi úshin alǵysyn bildirdi. Ol megapolis turǵyndarynyń densaýlyǵy dárigerlerdiń eńbegine, bilimi men iske adaldyǵyna tikelei bailanysty ekenin atap ótti
«Almaty Qazaqstannyń meditsina salasyndaǵy flagmany ekeni sózsiz. Munda jetekshi klinikalar men ǵylymi ortalyqtar shoǵyrlanǵan, ári bolashaq dárigerler daiarlanady. Jalpy, ana men bala ólimi kórsetkishterin tómendetý, áleýmettik mańyzy bar aýrýlarǵa erte diagnostika jasaý boiynsha megapolis respýblikalyq deńgeiden ozyq keledi», – dedi Almaty ákimi.
Ol jáne qalanyń densaýlyq saqtaý júiesiniń aldynda birqatar mańyzdy mindetter turǵanyna toqtaldy. Aitalyq, emhanalardaǵy kezekti azaitý, meditsinalyq qyzmetterdiń qoljetimdiligi men sapasyn barlyq aýdandarda arttyrý, shuǵyl kómekti damytý, onkologiialyq qyzmetti jáne ana men balany qorǵaý júiesin jetildirý qajet.
2030 jylǵa deiin Almatyda 32 jańa densaýlyq saqtaý nysanyn salý jáne 14 qoldanystaǵy nysandy jańǵyrtý josparlanǵan. Qazirdiń ózinde úsh otbasylyq dárigerlik ambýlatoriia men bir emhana paidalanýǵa berildi.
2024 jyly halyqaralyq standarttarǵa sai jańa operatsiialyq blogy bar Balalar shuǵyl járdem ortalyǵy qabyldaý bóliminiń jańa korpýsy iske qosyldy. Onyń ashylýyna Qazaqstan Respýblikasynyń Prezidenti Qasym-Jomart Toqaev qatysty. Bul ortalyqta búginde 61 myńnan astam bala meditsinalyq kómek aldy.
Buǵan qosa, ambýlatoriialyq deńgeide tsifrlyq sheshimder engizilýde. Aitalyq, Face ID, áleýmettik ámiian, dárigerge jazylý jáne taldaýlar nátijesin alý boiynsha elektrondy servister jumys isteidi.
Almaty — elimizde alǵashqy bolyp «Fetaldi hirýrgiia» pilottyq jobasyn júzege asyrǵan qala. Bul joba uryqqa týylmai turyp az invazivti ádistermen ota jasaýǵa múmkindik beredi. Sonymen qatar, «Bir kúndik klinika» jobasy prenataldyq diagnostika ádisteriniń qoljetimdiligin qamtamasyz etip, qaýipti faktorlardy erte anyqtaýǵa jol ashady.
Mańyzdy jetistikterdiń biri — qalalyq kardiologiialyq ortalyqta aortalyq qaqpaqty transkateterlik implantatsiialaý boiynsha TAVI-ortalyqtyń ashylýy, Ortalyq qalalyq klinikalyq aýrýhanada Qazaqstanda alǵash ret donorlyq qasań qabyqty transplantatsiialaý otasy jasaldy. Balalar shuǵyl járdem ortalyǵynda shala týǵan nárestelerge erte vitrektomiia jasaý men nesep shyǵarýdaǵy aqaýlar kezinde sakraldy neiromodýliatsiia ádisi engizildi.
№2 Qalalyq balalar klinikalyq aýrýhanasynda neironavigatsiiamen neiroendoskopiialyq operatsiialar jasalýda, al №4 Qalalyq klinikalyq aýrýhanada Orta Aziiada alǵash ret iri býyndardy endoprotezdeýge arnalǵan robot-assistirlengen operatsiialar oryndaldy.
Jańa tehnologiialar neirohirýrgiia, hirýrgiia, travmatologiia, reprodýktivti meditsina, onyń ishinde EKU jáne basqa da baǵyttarda keńinen qoldanylýda. Emhanalarda Úzdik tájiribeler ortalyqtary sátti jumys istep keledi.
Qala ákimi salanyń kadrlyq áleýetin damytýǵa erekshe nazar aýdardy basa belgilep ótti. Ol Almaty meditsinasynyń negizin qalaǵan, óz tájiribesin jas býynǵa tabystap júrgen densaýlyq saqtaý salasynyń ardagerlerine rizashylyǵyn bildirdi.
«Densaýlyq saqtaý júiesiniń basty kúshi – adamdar, iaǵni saladaǵy dárigerler, medbikeler, feldsherler, sanitarlyq qyzmetkerler», – dep atap ótti Darhan Satybaldy.
Búginde jergilikti biýdjet esebinen 315 bolashaq dáriger rezidentýrada bilim alýda. Tek ótken jyly Almatynyń densaýlyq saqtaý júiesine 110 jas maman qosyldy.
Marapattaý rásiminiń sońynda memlekettik jáne vedomstvolyq nagradalar tabys etildi. Olardy óz ómirin Almaty men Qazaqstan meditsinasynyń damýyna arnaǵan dárigerler, medbikeler, bólimshe jáne qyzmet basshylary ielendi.
Solardyń biri – 36 jyldyq eńbek ótili bar KGP na PHV «№17 qalalyq emhana» dárigeri Kúljahan Nurieva. Ol «Bastapqy meditsinalyq-sanitarlyq kómek kórsetýdiń úzdik dárigeri» retinde marapattaldy.
«Osy jyldar ishinde birneshe býyn aýysty, maǵan bir kezderi ózim emdegen jandardyń balalary kele bastady. Men úshin bastapqy kómek, bul – jyldar boiy jinalǵan senim. Bul marapat meniń eńbegime, maǵan senip otbasylarynyń dárigeri retinde tańdaǵan jandardyń alǵasynyń belgisi», – dedi Kúljahan Nurieva.
Aita keteiik, búgin Akordada ótken saltanatty sharada Memleket basshysy Almatydan shyqqan dárigerler áýleti – 13 dárigerden turatyn, jalpy eńbek ótili 375 jyldan asatyn Djývashevter otbasyn kásibine adaldyqtyń, jaýapkershiliktiń aiqyn úlgisi retinde atap ótti.
Saltanatty jiyn sońǵy merekeniń sánin kirgizip, qatysýshylarǵa erekshe kóńil-kúi syilaǵan mazmundy kontserttik baǵdarlamaǵa ulasty.
