Aqtóbe oblysynda toiǵa qatysqan 100-den astam adam jappai meditsinalyq kómekke júgindi, dep habarlaidy dalanews.kz.
Oqiǵa Muǵaljar aýdanynyń Qandyaǵash qalasyndaǵy «Tumar» meiramhanasynda bolǵan. Ótken jumada ótken toiǵa júzden astam adam qatysqan, alaida merekeden keiin olardyń jaǵdaiy nasharlap, dárigerlerdiń kómegine júginýge májbúr bolǵan.
Oblystyq densaýlyq saqtaý basqarmasynyń málimetinshe, 19 maýsymnan beri barlyǵy 102 adam dárigerlerge qaralǵan. Naýqastardyń barlyǵynda ishek infektsiiasynyń belgileri anyqtalǵan. Onyń ishinde 34 adamnan salmonellezge kúdik bar.
Dárigerlerdiń aitýynsha, naýqastardyń jaǵdaiy ortasha aýyr dep baǵalanýda.
Muǵaljar aýdandyq ortalyq aýrýhanasyna qosymsha meditsinalyq brigadalar jiberilip, qajetti dári-dármek qory men tósek oryndary daiyndalǵan.
Qazirgi ýaqytta epidemiologiialyq tekserý júrgizilip jatyr. Al «Tumar» meiramhanasynyń jumysy ýaqytsha toqtatyldy.
