Ingýshetiiada dosyn qutqarý úshin ózenge sekirgen 8 jastaǵy Hizir Derbichevtiń denesi tabyldy, dep habarlaidy dalanews.kz.
Osy sátte Sýnja ózenine batyp bara jatqan dosyn qutqarmaq bolyp sekirgen 8 jastaǵy Hizir Derbichevtiń denesi tabylǵany belgili boldy. Balany Ingýshetiiada segiz kún boiy izdegen.
Hizirdi izdeýge myńdaǵan adam jumyldy. Kópshilik sońǵy sátke deiin balanyń aman tabylarynan úmit úzbedi. Alaida endi óz ómirin qaterge tigip, dosyn qutqarǵan balanyń qaza tapqany belgili boldy.
"Qaza tapqan balanyń denesi ol dosyn qutqarmaq bolǵan jerden 10 shaqyrym qashyqtyqta tabyldy. Aldyn ala málimet boiynsha, balanyń denesi ózendi tekserý kezinde tórtinshi mektep mańyndaǵy sýdan anyqtalǵan", – dep habarlaidy BAZA.
