Aktrisa ári ánshi Aigúl Imanbaeva aýlasynan taǵy da belgisiz qýyrshaq pen óziniń fotosýretin tapqanyn málimdedi, dep habarlaidy dalanews.kz.
Óner iesi bul sátti videoǵa túsirip, áleýmettik jelidegi paraqshasynda jariialady. Beinejazbada qýyrshaqtyń ishinen aktrisanyń sýreti shyqqany kórinedi.
Aigúl Imanbaeva mundai jaǵdaidyń bir jyldan beri jalǵasyp kele jatqanyn aityp, alańdaýshylyǵyn bildirdi.
"Jaýdyń alystan kelmeitinin jaqsy bilemin. Myna sumdyqty keshe taptyq, 1 jyldan beri áli jalǵasýda. Adamdy osynshalyqty jek kórýge, qyzǵanýǵa bola ma? Qudaidan nege qoryqpaisyńdar?" – dep jazdy ol.
Ánshi bul áreketti kim jasaýy múmkin ekenin sezetinin de jetkizdi. Alaida ol naqty adamdardyń atyn atamaýdy jón kórgen.
"Munyń bárin kim jasap jatqanyna deiin bilip otyrmyn ǵoi, júrek báribir de sezedi. Nege ózderińdi, bolashaq urpaqtaryńdy oilamaisyzdar? Attaryńdy attap, tústerińdi tústemei-aq qoiaiyn. 21 ǵasyrda ómir súrip jatqan joqsyzdar ma, sender qai ǵasyrda qalyp ketkensizder?" – dedi Aigúl Imanbaeva.
Óner iesiniń jazbasy jeli qoldanýshylary arasynda qyzý talqylanyp, kópshilik oǵan qoldaý bildirip jatyr.
