Oqý-jattyǵý kezinde Indýstriialyq park aýmaǵynda qozǵalysqa ýaqytsha shekteý qoiylady, dep habarlaidy dalanews.kz.
21 maýsym kúni Astanada kúzetiletin tulǵalardyń qaýipsizdigin qamtamasyz etýge baǵyttalǵan vedomstvoaralyq keshendi arnaiy-taktikalyq oqý-jattyǵý ótedi.
Bul týraly Qazaqstan Respýblikasynyń Memlekettik kúzet qyzmetiniń baspasóz qyzmeti málimdedi.
Is-shara saǵat 08:00-den 15:00-ge deiin elordadaǵy №1 indýstriialyq park aýmaǵynda uiymdastyrylady.
Oqý-jattyǵý barysynda Indýstriialyq park aýmaǵynda avtokólikter men jaiaý júrginshiler qozǵalysyna ýaqytsha shekteý engiziledi.
«Osyǵan bailanysty qala turǵyndary men qonaqtarynan ótkizilip jatqan is-sharaǵa túsinistikpen qaraý, quqyq qorǵaý organdary qyzmetkerleriniń zańdy talaptaryn oryndaý, tek resmi aqparat kózderine sený jáne jalǵan aqparat taratpaý suralady», - delingen habarlamada.
Jattyǵýdyń maqsaty – kúzetiletin tulǵalardyń qaýipsizdigin qamtamasyz etý jónindegi kúshter men quraldardyń ózara is-qimylyn pysyqtaý.
