Biylǵy negizgi UBT bastalǵaly beri testileý 292 myń ret tapsyryldy, dep habarlaidy dalanews.kz.
10 mamyrda bastalǵan ulttyq biryńǵai testileýdiń alty aptasynyń qorytyndysy boiynsha talapkerlerdiń 68%-y shekti ball jinaǵan. Bes pán boiynsha ortasha nátije 64 baldy qurady.
Ǵylym jáne joǵary bilim ministrliginiń málimetinshe, talapkerlerdiń 72%-y testi qazaq tilinde, 28%-y orys tilinde tapsyrǵan. Taǵy 469 adam testi aǵylshyn tilinde tapsyrdy.
Ázirge eń joǵary nátije Pavlodar oblysynyń túlegi Áset Altairǵa tiesili. Ol bes pánnen 140 ball jinap, maksimaldy kórsetkishke qol jetkizdi.
Negizgi UBT 10 mamyrda bastaldy. Talapkerler testileýdi eki ret tapsyryp, eń úzdik nátijesimen grant konkýrsyna qatysý múmkindigine ie.
Buǵan deiin Ulttyq testileý ortalyǵy negizgi UBT 7 shildege deiin jalǵasatynyn habarlaǵan.
