Túrkistan oblysy alǵash ret Soltústik-SHyǵys Azıa elderiniń Óńirlik ákimshilikteri Asosıasıasynyń (NEAR) 15-shi Bas Assambleıasyna qatysyp, halyqaralyq uıymnyń korespondent múshesi mártebesine ıe boldy,- dep habarlaıdy Dalanews.kz
Halyqaralyq jıynǵa Túrkistan oblysynyń týrızm basqarmasynyń basshysy Nurdáýlet Medeýov qatysty. Delegasıa quramyndaǵy ókilder óńirdiń áleýmettik-ekonomıkalyq damýy, ınvestısıalyq tartymdylyǵy, halyqaralyq yntymaqtastyqqa ashyqtyǵy men týrızm salasyndaǵy áleýeti týraly baıandama jasap, qatysýshylardyń qyzyǵýshylyǵyn týdyrdy.
NEAR – Soltústik-SHyǵys Azıadaǵy óńirlik yntymaqtastyqty nyǵaıtatyn iri halyqaralyq platforma. Atalǵan uıym Qytaı, Japonıa, Ońtústik jáne Soltústik Koreıa (KHDR), Mońǵolıa jáne Reseı sıaqty alty eldiń 78 óńirlik ákimshiligin (oblys, provınsıa, aımaq) biriktiredi.
Uıymnyń basty maqsaty – múshe óńirler arasyndaǵy ózara senimge negizdelgen turaqty damý, mádenı jáne ekonomıkalyq tájirıbe almasý arqyly óńiraralyq baılanystardy damytý.
Túrkistan oblysynyń NEAR uıymyna qosylýy óńirdiń halyqaralyq áriptestikti damytý jáne jahandyq deńgeıde tanylý jolyndaǵy mańyzdy qadam.
