Balasyn kóterip, kýrer bolyp júrgen ana Almatydan Shymkentke qaita kóship ketken. Bul týraly eńbek jáne halyqty áleýmettik qorǵaý vitse-ministri Erbol Tuiaqbaev málimdedi, dep habarlaidy dalanews.kz.
Vitse-ministrdiń aitýynsha, otbasynyń mundai sheshim qabyldaýyna naqty ne sebep bolǵany belgisiz.
"Sebebin bilmeimiz, otbasylyq kelisimder bolýy múmkin. Bálkim, ata-anasy qaita shaqyrǵan shyǵar, ol jaǵyn naqtylamadyq. Biraq biletinim, keshe ǵana Almaty men Shymkent ákimdikterinen suradym, olar bul aqparatty rastady", – dedi Erbol Tuiaqbaev tilshilerge.
Sondai-aq ol jas otbasynyń Shymkentke kóshýine ministrlik nemese memlekettik organdar tarapynan eshqandai yqpal bolmaǵanyn atap ótti.
"Memleket uiymdary tarapynan esh qysym bolǵan joq", – dedi vitse-ministr.
Aita keteiik, buǵan deiin áleýmettik jelide sábiin kóterip, kýrer bolyp jumys istep júrgen ananyń videosy keń taralyp, qoǵamda qyzý talqylanǵan edi.
