25 maýsymnan bastap Almatynyń Almaly aýdanyndaǵy úsh kóshede birjaqty qozǵalys engiziledi, dep habarlaidy dalanews.kz.
Jańa shemaǵa sáikes:
- Prokofev kóshesinde Abai dańǵylynan Kishi Abai kóshesine deiingi aralyqta soltústik baǵytta;
- Kishi Abai kóshesinde Prokofev kóshesinen Brýsilovskii kóshesine deiingi aralyqta shyǵys baǵytta;
- Túrkebaev kóshesinde Sátbaev kóshesinen Tóle bi kóshesine deiingi aralyqta soltústik baǵytta birjaqty qozǵalys uiymdastyrylady.
Bul ózgerister kólik júktemesin azaitýǵa, joldaǵy qaýipti jaǵdaidyń aldyn alýǵa baǵyttalǵan. Sheshim kólik legine júrgizilgen taldaý men aýdan turǵyndarynyń ótinishi negizinde qabyldanǵan.
Mamandardyń aitýynsha, jańa shema kólik qozǵalysyn rettep, jol qozǵalysy qaýipsizdigin arttyrýǵa múmkindik beredi.
Joba pilottyq rejimde júzege asyrylady. Onyń tiimdiligine júrgiziletin monitoring qorytyndysy boiynsha jol qozǵalysyn odan ári uiymdastyrýǵa qatysty qosymsha sheshim qabyldanady.
