25 ماۋسىمنان باستاپ الماتىنىڭ المالى اۋدانىنداعى ٷش كٶشەدە بٸرجاقتى قوزعالىس ەنگٸزٸلەدٸ, دەپ حابارلايدى dalanews.kz.
جاڭا سحەماعا سەيكەس:
- پروكوفەۆ كٶشەسٸندە اباي داڭعىلىنان كٸشٸ اباي كٶشەسٸنە دەيٸنگٸ ارالىقتا سولتٷستٸك باعىتتا;
- كٸشٸ اباي كٶشەسٸندە پروكوفەۆ كٶشەسٸنەن برۋسيلوۆسكيي كٶشەسٸنە دەيٸنگٸ ارالىقتا شىعىس باعىتتا;
- تٷركەباەۆ كٶشەسٸندە سەتباەۆ كٶشەسٸنەن تٶلە بي كٶشەسٸنە دەيٸنگٸ ارالىقتا سولتٷستٸك باعىتتا بٸرجاقتى قوزعالىس ۇيىمداستىرىلادى.
بۇل ٶزگەرٸستەر كٶلٸك جٷكتەمەسٸن ازايتۋعا, جولداعى قاۋٸپتٸ جاعدايدىڭ الدىن الۋعا باعىتتالعان. شەشٸم كٶلٸك لەگٸنە جٷرگٸزٸلگەن تالداۋ مەن اۋدان تۇرعىندارىنىڭ ٶتٸنٸشٸ نەگٸزٸندە قابىلدانعان.
مامانداردىڭ ايتۋىنشا, جاڭا سحەما كٶلٸك قوزعالىسىن رەتتەپ, جول قوزعالىسى قاۋٸپسٸزدٸگٸن ارتتىرۋعا مٷمكٸندٸك بەرەدٸ.
جوبا پيلوتتىق رەجيمدە جٷزەگە اسىرىلادى. ونىڭ تيٸمدٸلٸگٸنە جٷرگٸزٸلەتٸن مونيتورينگ قورىتىندىسى بويىنشا جول قوزعالىسىن ودان ەرٸ ۇيىمداستىرۋعا قاتىستى قوسىمشا شەشٸم قابىلدانادى.
