تۇركىستان وبلىسى العاش رەت سولتۇستىك-شىعىس ازيا ەلدەرىنىڭ وڭىرلىك اكىمشىلىكتەرى اسسوسياسياسىنىڭ (NEAR) 15ء-شى باس اسسامبلەياسىنا قاتىسىپ، حالىقارالىق ۇيىمنىڭ كوررەسپوندەنت مۇشەسى مارتەبەسىنە يە بولدى،- دەپ حابارلايدى Dalanews.kz
حالىقارالىق جيىنعا تۇركىستان وبلىسىنىڭ تۋريزم باسقارماسىنىڭ باسشىسى نۇرداۋلەت مەدەۋوۆ قاتىستى. دەلەگاسيا قۇرامىنداعى وكىلدەر ءوڭىردىڭ الەۋمەتتىك-ەكونوميكالىق دامۋى، ينۆەستيسيالىق تارتىمدىلىعى، حالىقارالىق ىنتىماقتاستىققا اشىقتىعى مەن تۋريزم سالاسىنداعى الەۋەتى تۋرالى بايانداما جاساپ، قاتىسۋشىلاردىڭ قىزىعۋشىلىعىن تۋدىردى.
NEAR – سولتۇستىك-شىعىس ازياداعى وڭىرلىك ىنتىماقتاستىقتى نىعايتاتىن ءىرى حالىقارالىق پلاتفورما. اتالعان ۇيىم جۇڭگو، جاپونيا، وڭتۇستىك جانە سولتۇستىك كورەيا (كحدر)، موڭعوليا جانە رەسەي سياقتى التى ەلدىڭ 78 وڭىرلىك اكىمشىلىگىن (وبلىس، پروۆينسيا، ايماق) بىرىكتىرەدى.
ۇيىمنىڭ باستى ماقساتى – مۇشە وڭىرلەر اراسىنداعى ءوزارا سەنىمگە نەگىزدەلگەن تۇراقتى دامۋ، مادەني جانە ەكونوميكالىق تاجىريبە الماسۋ ارقىلى ءوڭىرارالىق بايلانىستاردى دامىتۋ.
تۇركىستان وبلىسىنىڭ NEAR ۇيىمىنا قوسىلۋى ءوڭىردىڭ حالىقارالىق ارىپتەستىكتى دامىتۋ جانە جاھاندىق دەڭگەيدە تانىلۋ جولىنداعى ماڭىزدى قادام.
