الماتىدا ٸز-تٷسسٸز جوعالعان 25 جاستاعى ەرزات ەگٸزبايعا قاتىستى تىڭ دەرەك شىقتى, دەپ حابارلايدى dalanews.kz.
"كتك" تەلەارناسىنىڭ مەلٸمەتٸنشە, ول قۇرىلىس نىسانىندا گەودەزيست كٶمەكشٸسٸ بولىپ جۇمىس ٸستەگەن. 19 مامىردا ەدەتتەگٸدەي جۇمىسقا كەتكەن, الايدا كەشكە ٷيٸنە ورالماعان.
تۋىستارىنىڭ سٶزٸنشە, تٷسكٸ ساعات ەكٸ شاماسىندا ەرزات باسشىسىنان دٷكەنگە شىعۋعا رۇقسات سۇراعان. كەيٸن اۆتوبۋسقا وتىرىپ, ەڭبەكشٸقازاق اۋدانىنداعى كوسموس اۋىلى باعىتىنا كەتكەن. ونىڭ تەلەفونى سوڭعى رەت دەل سول ماڭدا بەلسەندٸ بولعان.
جاقىندارىنىڭ ايتۋىنشا, ەرزات بۇعان دەيٸن ەشقاشان ەسكەرتۋسٸز ٷيدەن كەتپەگەن. قىلمىستىق جاۋاپكەرشٸلٸككە تارتىلماعان, ەشقانداي ەسەپتە تۇرمايدى. قازٸر ونى تۋىستارى, ەرٸكتٸلەر مەن پوليتسييا ٸزدەپ جاتىر.
"ەرزات رايىمبەك داڭعىلىنداعى مەتروعا تٷسكەن ەكەن. قاراما-قارسى بەتكە شىعىپ, جان-جاعىنا قاراعانى بەينەباقىلاۋ كامەراسىنا تٷسٸپ قالعان. بٸرەۋدٸ ٸزدەپ جٷرگەندەي كٶرٸنەدٸ. كەيٸن اۆتوبۋسقا وتىرىپ كەتٸپ قالعان. ول ٸشٸمدٸك ٸشپەيتٸن, تەمەكٸ شەكپەيتٸن, بەس ۋاقىت ناماز وقيتىن. ەشقانداي دٸني نەمەسە دەسترۋكتيۆتٸ ۇيىمدارعا قاتىسى جوق. ەرزاتتى كٶرگەندەر بولسا, بٸزگە حابارلاسۋىن سۇرايمىز", - دەدٸ اناسى تالشىن قۇسايىنوۆا.
بايلانىس نٶمٸرٸ: 8 771 400 77 76
