Almatyda iz-tússiz joǵalǵan 25 jastaǵy Erzat Egizbaiǵa qatysty tyń derek shyqty, dep habarlaidy dalanews.kz.
"KTK" telearnasynyń málimetinshe, ol qurylys nysanynda geodezist kómekshisi bolyp jumys istegen. 19 mamyrda ádettegidei jumysqa ketken, alaida keshke úiine oralmaǵan.
Týystarynyń sózinshe, túski saǵat eki shamasynda Erzat basshysynan dúkenge shyǵýǵa ruqsat suraǵan. Keiin avtobýsqa otyryp, Eńbekshiqazaq aýdanyndaǵy Kosmos aýyly baǵytyna ketken. Onyń telefony sońǵy ret dál sol mańda belsendi bolǵan.
Jaqyndarynyń aitýynsha, Erzat buǵan deiin eshqashan eskertýsiz úiden ketpegen. Qylmystyq jaýapkershilikke tartylmaǵan, eshqandai esepte turmaidy. Qazir ony týystary, eriktiler men politsiia izdep jatyr.
"Erzat Raiymbek dańǵylyndaǵy metroǵa túsken eken. Qarama-qarsy betke shyǵyp, jan-jaǵyna qaraǵany beinebaqylaý kamerasyna túsip qalǵan. Bireýdi izdep júrgendei kórinedi. Keiin avtobýsqa otyryp ketip qalǵan. Ol ishimdik ishpeitin, temeki shekpeitin, bes ýaqyt namaz oqityn. Eshqandai dini nemese destrýktivti uiymdarǵa qatysy joq. Erzatty kórgender bolsa, bizge habarlasýyn suraimyz", - dedi anasy Talshyn Qusaiynova.
Bailanys nómiri: 8 771 400 77 76
