TúrkPA-nyń otyrysy sheńberinde Quryltai Tóraǵasy Aibek Dádebai Qyrǵyzstan Jogorký Keneshiniń Tóraǵasy Marlen Mamatalievpen kezdesti, dep habarlaidy dalanews.kz.
Aibek Dádebai áriptesin Qyrǵyzstan Táýelsizdiginiń 35 jyldyǵymen quttyqtap, qonaqjai peiili úshin rizashylyq bildirdi. Sondai-aq Qyrǵyzstan Parlamentimen ekijaqty qarym-qatynasty Parlamentaralyq yntymaqtastyq jónindegi keńes, dostyq toby jáne salalyq komitetter aiasynda barlyq deńgeide odan ári damytý Quryltai úshin erekshe mańyzdy ekenin atap ótti.
– Prezidentterimiz Qasym-Jomart Kemeluly Toqaev pen Sadyr Nurǵojauly Japarovtyń saiasi erik-jigeri men syndarly saiasatynyń arqasynda elderimiz arasyndaǵy qarym-qatynas qarqyndy damyp keledi. Bul Qazaqstan Respýblikasy men Qyrǵyz Respýblikasy arasyndaǵy odaqtastyq qatynastardy tereńdetý jáne keńeitý týraly shartta kórinis tapty. Búgingi maqsatymyz – Prezidentterimizdiń ýaǵdalastyqtaryn zańnamalyq turǵydan qamtamasyz etý, – dep atap ótti Quryltai Tóraǵasy.
Aibek Dádebai qyrǵyz áriptesine Memleket basshysynyń bastamasymen Qazaqstanda júrgizilip jatqan aýqymdy saiasi jáne konstitýtsiialyq reformalar týraly aqparat berdi. Jańa Halyqtyq Konstitýtsiiaǵa sáikes, bir palataly Quryltai, Vitse-prezident institýty jáne múlde jańa konsýltativtik organ – Qazaqstan Halyq Keńesi quryldy.
Óz kezeginde Marlen Mamataliev Qazaqstan men Qyrǵyzstan basshylarynyń ekijaqty negizde de, kópjaqty alańdarda da ózara túsinistigi men tabysty is-qimylyn atap ótti. Jogorký Keneshtiń Tóraǵasy qazaqstandyqtardy júrgizilgen reformalarǵa qatysty quttyqtap, Quryltai depýtattaryna jemisti jumys tiledi.
Taraptar zań shyǵarý qyzmetindegi tájiribe almasýdy odan ári keńeitý, túrli parlamentaralyq uiymdar men halyqaralyq birlestikter aiasyndaǵy birlesken jumysty kúsheitý máselelerin de talqylady. Mýzyka, teatr, kino jáne sportty qosa alǵanda, mádeni-gýmanitarlyq saladaǵy yntymaqtastyqty damytýǵa da erekshe nazar aýdaryldy.
