Jezqazǵan turǵyny TikTok áleýmettik jelisindegi tikelei efir kezinde balaǵat sózder aitqany úshin 60 550 teńge aiyppul tóleýge mindetteldi, dep habarlaidy dalanews.kz.
Ulytaý oblystyq sotynyń baspasóz qyzmetiniń málimetinshe, áiel tikelei efirde belgisiz er adamǵa qatysty ádepsiz sózder qoldanǵan. Sot onyń áreketin ainalasyndaǵylarǵa qurmetsizdik tanytyp, qoǵamdyq tártipti buzý dep baǵalaǵan.
Sot qaýlysymen azamatsha Ákimshilik quqyq buzýshylyq týraly kodekstiń 434-babynyń 1-bóligi boiynsha kináli dep tanyldy.
Jaza taǵaiyndaý kezinde sot áieldiń kinásin moiyndap, ókingenin jeńildetetin mán-jai retinde eskergen. Oǵan 60 550 teńge kóleminde aiyppul salyndy.
