Tanymal ánshi Tóreǵali Tóreáli Qazaqstan Premer-ministriniń birinshi orynbasary Nurlybek Nálibaevpen kezdeskenin aityp, áleýmettik jelide áserli jazba jariialady. Óner iesi óńir basshysyn óner adamdarynyń janashyry dep atap, oǵan degen qurmetin bildirdi.
Tóreǵali Tóreáli Instagram paraqshasynda Nurlybek Nálibaevpen túsken sýretin jariialap, ekeýiniń týǵan kúni bir kún aiyrmashylyqpen keletinin jazǵan.
"Janashyr aǵalar bolady… 13 qazan Nurlybek Mashbekuly aǵamnyń týǵan kúni. 14 qazan meniń týǵan kúnim.
Bir kúnniń aralyǵynda týǵan, Syrdyń topyraǵynan túlegen bizdi taǵdyrdyń osylai toǵystyrǵanyna da bir sát oi júgirtesiń.
Ýaqyt degen keide adamdardyń arasyn alystatqanymen, kóńildegi syilastyqtyń baǵasyn uǵyndyratyn siiaqty.
Mine, búgin qaita qaýyshtyq.
Bul kezdesýdiń men úshin orny bólek.
Jai ǵana amandyq surasyp, ótkendi eske alýmen shektelmedik.
Syrlastyq, oi bólisý, múdde toǵystyrý, aldaǵy kúnder týraly áńgime órbidi.
Keide bir adamnyń janynda otyryp-aq, talai jyldan beri aitylmai júrgen oilaryńdy aqtarǵyń keledi.
Óitkeni keibir adamdarmen áńgimeniń ózi bólek, úndestiktiń ózi bólek.
Nurlybek aǵa jalpy ónerdiń, ónerpazdardyń janashyry.
Aitysqa degen qurmeti erekshe.
Aqyndarymyzdy da qoldap kele jatyr.
Osyndai qaita tabysýdyń qadirin ýaqyt óte kele tereńirek túsinedi ekensiń.
Ómirde kimmen qansha jyl aralasqanyńnan buryn, qaita kezdeskende qandai kúide qalatynyń mańyzdy shyǵar.
Al búgingi júzdesýden kóńilge jylylyq, oiǵa jańa baǵyt, erteńge degen jaqsy niet túiip qaittym.
Bálkim, keibir kezdesýler dál óz ýaqytynda bolady.
Burynǵy áńgimeni jalǵap qana qoimai, jańa bir paraqtyń ashylýyna sebep bolady.
Nurlybek aǵa, týǵan kúnińiz qutty bolsyn!
Jasyńyzǵa jas qosylyp, ǵumyryńyz uzaq, berekeli bolsyn.
Qazaq eliniń abyroiyn asqaqtatyp, elge paidaly isterdiń basynan tabyla berińiz!
“Biz jaqta taý joq, biraq taýyńdy qoparyp tastaityn aǵalar bar…", – dep jazdy óner iesi.
