كەيٸنگٸ جىلدارى باستاۋىشپەن قوشتاسۋ شارالارى قوعامدا قىزۋ تالقىلانىپ جٷر. كەيبٸر اتا-انالار مۇنى بالالار ٷشٸن ەرەكشە ەستەلٸك دەپ قابىلداسا, ەندٸ بٸرٸ مۇنداي شارا قاجەتسٸز ەكەنٸن ايتادى, دەپ حابارلايدى dalanews.kz.
ەلەۋمەتتٸك جەلٸلەردە دە بۇل مەسەلەگە قاتىستى پٸكٸر كٶبەيگەن. كٶپشٸلٸك باستاۋىشپەن قوشتاسۋدىڭ مەنٸن تٷسٸنبەيتٸنٸن جازعان. ٶيتكەنٸ وقۋشىلار تەك كەلەسٸ سىنىپقا ٶتەدٸ.
"وسى باستاۋىشپەن قوشتاسۋ دەگەندٸ تٷسٸنبەيمٸن. نەگە كەرەك? قوشتاساتىنداي مەكتەپتەن كەتٸپ قالعالى جاتقان جوق قوي. مۇعالٸمدەرٸ دە, ٶزدەرٸ دە سول مەكتەپتە جٷرەدٸ. 11-سىنىپتىڭ قوشتاسۋى جولدا قالادى. دۇرىس ەمەس!" - دەدٸ جەلٸدەگٸلەردٸڭ بٸرٸ.
سونىمەن قاتار, جەلٸ قولدانۋشىلارىنىڭ سٶزٸنشە, باستاۋىشپەن قوشتاسۋ كەي جاعدايدا اتا-انالارعا قوسىمشا شىعىن مەن ارتىق ەۋرەشٸلٸك ەكەلەدٸ. ارنايى كيٸم, فوتو-ۆيدەو تٷسٸرٸلٸم سيياقتى شىعىندار دا كٶبەيگەن.
"بالالاردى ەڭبەككە باۋلۋدىڭ ورنىنا توي-جيىنعا, شوۋعا ٷيرەتٸپ جاتىرمىز", "ايتاتىنى جوق, جىلدان-جىلعا ۇلاستىرىپ, بٸر-بٸرٸنەن قالىسپاي ٷلكەن شارا بولىپ كەتتٸ قازٸر", "وسى قوشتاسۋعا تىيىم سالسا جٶن بولادى", "داڭعازالىق", - دەدٸ ولار.
