Keiingi jyldary bastaýyshpen qoshtasý sharalary qoǵamda qyzý talqylanyp júr. Keibir ata-analar muny balalar úshin erekshe estelik dep qabyldasa, endi biri mundai shara qajetsiz ekenin aitady, dep habarlaidy dalanews.kz.
Áleýmettik jelilerde de bul máselege qatysty pikir kóbeigen. Kópshilik bastaýyshpen qoshtasýdyń mánin túsinbeitinin jazǵan. Óitkeni oqýshylar tek kelesi synypqa ótedi.
"Osy bastaýyshpen qoshtasý degendi túsinbeimin. Nege kerek? Qoshtasatyndai mektepten ketip qalǵaly jatqan joq qoi. Muǵalimderi de, ózderi de sol mektepte júredi. 11-synyptyń qoshtasýy jolda qalady. Durys emes!" - dedi jelidegilerdiń biri.
Sonymen qatar, jeli qoldanýshylarynyń sózinshe, bastaýyshpen qoshtasý kei jaǵdaida ata-analarǵa qosymsha shyǵyn men artyq áýreshilik ákeledi. Arnaiy kiim, foto-video túsirilim siiaqty shyǵyndar da kóbeigen.
"Balalardy eńbekke baýlýdyń ornyna toi-jiynǵa, shoýǵa úiretip jatyrmyz", "Aitatyny joq, jyldan-jylǵa ulastyryp, bir-birinen qalyspai úlken shara bolyp ketti qazir", "Osy qoshtasýǵa tyiym salsa jón bolady", "Dańǵazalyq", - dedi olar.
