Qazaqstanda benzin, dizel otyny jáne aviatsiialyq otyn importyna salynatyn kedendik baj salyǵyn bir jylǵa nólge deiin tómendetý josparlanyp otyr, dep habarlaidy dalanews.kz.
Saýda jáne integratsiia vitse-ministri Janel Kúshikova bul sheshimniń úshinshi elderden, ásirese Qytaidan janar-jaǵarmai importyn arttyrýǵa múmkindik beretinin aitty.
“Másele import kóleminde emes, kedendik baj salyǵyn tómendetýde. Qazaqstanǵa qajet kólem ǵana jetkiziledi. Baj salyǵy nólge deiin tómendetiledi”, – dedi vitse-ministr Senattaǵy brifingte.
Onyń aitýynsha, nóldik baj salyǵy bir jyl boiy kúshinde bolady. Sonymen qatar, el ishinde janar-jaǵarmai tapshylyǵy týyndaǵan jaǵdaida Qazaqstan onyń eksportyn ýaqytsha shekteýi múmkin.
