قازاقستاندا بەنزين, ديزەل وتىنى جەنە اۆياتسييالىق وتىن يمپورتىنا سالىناتىن كەدەندٸك باج سالىعىن بٸر جىلعا نٶلگە دەيٸن تٶمەندەتۋ جوسپارلانىپ وتىر, دەپ حابارلايدى dalanews.kz.
ساۋدا جەنە ينتەگراتسييا ۆيتسە-مينيسترٸ جانەل كٷشٸكوۆا بۇل شەشٸمنٸڭ ٷشٸنشٸ ەلدەردەن, ەسٸرەسە قىتايدان جانار-جاعارماي يمپورتىن ارتتىرۋعا مٷمكٸندٸك بەرەتٸنٸن ايتتى.
“مەسەلە يمپورت كٶلەمٸندە ەمەس, كەدەندٸك باج سالىعىن تٶمەندەتۋدە. قازاقستانعا قاجەت كٶلەم عانا جەتكٸزٸلەدٸ. باج سالىعى نٶلگە دەيٸن تٶمەندەتٸلەدٸ”, – دەدٸ ۆيتسە-مينيستر سەناتتاعى بريفينگتە.
ونىڭ ايتۋىنشا, نٶلدٸك باج سالىعى بٸر جىل بويى كٷشٸندە بولادى. سونىمەن قاتار, ەل ٸشٸندە جانار-جاعارماي تاپشىلىعى تۋىنداعان جاعدايدا قازاقستان ونىڭ ەكسپورتىن ۋاقىتشا شەكتەۋٸ مٷمكٸن.
