Prezident Qasym-Jomart Toqaev birqatar salaǵa qatysty zańdarǵa ózgerister men tolyqtyrýlar engizetin qujattarǵa qol qoidy, dep habarlaidy dalanews.kz.
Aqordanyń baspasóz qyzmeti 24 maýsymda Memleket basshysy tórt zańǵa qol qoiǵanyn habarlady.
Atap aitqanda, prezident "Qazaqstan Respýblikasynyń keibir zańnamalyq aktilerine ǵylym, ǵylymdy qajetsinetin aýmaqtar, áleýmettik qamsyzdandyrý, bilim berý, densaýlyq saqtaý jáne áskeri qyzmet máseleleri boiynsha ózgerister men tolyqtyrýlar engizý týraly" zańǵa qol qoidy.
Sonymen qatar Toqaev mashina jasaýdy damytý jáne kólik máseleleri boiynsha ózgerister engizetin zańdy bekitti.
Budan bólek, Memleket basshysy atqarýshylyq is júrgizýdi jetildirý máselelerine qatysty zańǵa qol qoidy.
Sondai-aq tsifrlandyrý, derbes derekterdi qorǵaý, jol júrisi jáne kóliktegi ozyq tehnologiialardy retteý máseleleri boiynsha ózgerister men tolyqtyrýlar engizetin zań da prezidenttiń qol qoiýymen bekitildi.
Aqorda qol qoiylǵan zańdardyń mátini baspasózde jariialanatynyn habarlady.
