Pavlodar oblysynda «Qazaviaqutqarý» áýe kompaniiasyna tiesili Mi-8 AMT tikushaǵy qatty qoný kezinde zaqymdandy. Aldyn ala málimet boiynsha, adam shyǵyny joq, dep habarlaidy dalanews.kz.
Kólik ministrliginiń habarlaýynsha, oqiǵa 24 maýsym kúni Zaria aýyly mańynda bolǵan. UP-MI872 bort nómirli tikushaq izdestirý-qutqarý tapsyrmasyn oryndap júrgen.
Tikushaq bortynda barlyǵy 13 adam bolǵan. Onyń beseýi – ekipaj múshesi, segizi – jolaýshy. Qazirgi ýaqytta zardap shekkender týraly aqparat naqtylanyp jatyr.
Áýe kemesi «Qazaviaqutqarý» AQ-nyń paidalanýynda bolǵan. Oqiǵa adam shyǵyny joq aviatsiialyq oqiǵa retinde tirkeldi.
Oqiǵanyń sebepterin Kólik ministrliginiń Kóliktegi oqiǵalar men intsidentterdi tergeý departamenti anyqtaidy. Tergeýshiler oqiǵa ornynda jumys bastap, apattyń mán-jaiyn anyqtaý úshin qajetti derekterdi jinap jatyr.
«Qazaviaqutqarý» – Tótenshe jaǵdailar ministrligine qarasty uiym. Ol sanitarlyq aviatsiia, evakýatsiia, órt sóndirý jáne izdestirý-qutqarý jumystaryn júrgizedi. Pavlodar oblysyndaǵy Mi-8 tikushaǵy da dál osyndai izdestirý-qutqarý operatsiiasyn oryndaý kezinde apatty jaǵdaiǵa tap bolǵan.
