پاۆلودار وبلىسىندا «قازاۆياقۇتقارۋ» ەۋە كومپانيياسىنا تيەسٸلٸ مي-8 امت تٸكۇشاعى قاتتى قونۋ كەزٸندە زاقىمداندى. الدىن الا مەلٸمەت بويىنشا, ادام شىعىنى جوق, دەپ حابارلايدى dalanews.kz.
كٶلٸك مينيسترلٸگٸنٸڭ حابارلاۋىنشا, وقيعا 24 ماۋسىم كٷنٸ زاريا اۋىلى ماڭىندا بولعان. UP-MI872 بورت نٶمٸرلٸ تٸكۇشاق ٸزدەستٸرۋ-قۇتقارۋ تاپسىرماسىن ورىنداپ جٷرگەن.
تٸكۇشاق بورتىندا بارلىعى 13 ادام بولعان. ونىڭ بەسەۋٸ – ەكيپاج مٷشەسٸ, سەگٸزٸ – جولاۋشى. قازٸرگٸ ۋاقىتتا زارداپ شەككەندەر تۋرالى اقپارات ناقتىلانىپ جاتىر.
ەۋە كەمەسٸ «قازاۆياقۇتقارۋ» اق-نىڭ پايدالانۋىندا بولعان. وقيعا ادام شىعىنى جوق اۆياتسييالىق وقيعا رەتٸندە تٸركەلدٸ.
وقيعانىڭ سەبەپتەرٸن كٶلٸك مينيسترلٸگٸنٸڭ كٶلٸكتەگٸ وقيعالار مەن ينتسيدەنتتەردٸ تەرگەۋ دەپارتامەنتٸ انىقتايدى. تەرگەۋشٸلەر وقيعا ورنىندا جۇمىس باستاپ, اپاتتىڭ مەن-جايىن انىقتاۋ ٷشٸن قاجەتتٸ دەرەكتەردٸ جيناپ جاتىر.
«قازاۆياقۇتقارۋ» – تٶتەنشە جاعدايلار مينيسترلٸگٸنە قاراستى ۇيىم. ول سانيتارلىق اۆياتسييا, ەۆاكۋاتسييا, ٶرت سٶندٸرۋ جەنە ٸزدەستٸرۋ-قۇتقارۋ جۇمىستارىن جٷرگٸزەدٸ. پاۆلودار وبلىسىنداعى مي-8 تٸكۇشاعى دا دەل وسىنداي ٸزدەستٸرۋ-قۇتقارۋ وپەراتسيياسىن ورىنداۋ كەزٸندە اپاتتى جاعدايعا تاپ بولعان.
