Aqmola oblysyndaǵy «KOKSHE» áleýmettik-kásipkerlik korporatsiiasynyń atqarýshy organ múshelerine 2025 jyldyń qorytyndysy boiynsha jalpy somasy 74 mln teńgeden asatyn syiaqy tólengen. Bul kompaniia qyzmet etken ýaqyttaǵy eń joǵary tólem kólemi bolǵan, dep habarlaidy dalanews.kz.
QazTAG agenttiginiń qarjylyq eseptilik depozitariiindegi málimetterge súiengen habarlaýynsha, atqarýshy organ músheleriniń jalpy syiaqysy 74 mln 39 myń teńgeni quraǵan. Basqarma quramyna Serikbai Qusaiynov, onyń orynbasarlary Erkebulan Baihmetov pen Áli Áliev kiredi. Jalpy somany úsh adamǵa bólgende, árqaisysyna shamamen 24,7 mln teńgeden keledi.
Qarjylyq eseptilik depozitariiiniń derekterine sáikes, kompaniianyń atqarýshy organyna tólengen syiaqy kólemi jyl saiyn ózgerip otyrǵan. 2021 jyly úsh múshege 25 mln teńge, 2022 jyly 6 mln teńge, 2023 jyly 5,4 mln teńge tólengen. 2024 jyly bes múshege 42,2 mln teńge, al 2025 jyly atqarýshy organnyń tórt múshesine 34 mln teńge tólengeni kórsetilgen.
Sonymen qatar, kompaniianyń 2025 jylǵy aýditorlyq esebinde depozitke ornalastyrylǵan qarajattan túsken kiris aitarlyqtai óskeni jazylǵan. 2024 jyly bul kórsetkish 163 mln 198 myń teńge bolsa, 2025 jyly 1 mlrd 890 mln 298 myń teńgege jetken.
Ákimshilik shyǵyndar da artqan. 2024 jyly 370,1 mln teńge bolǵan shyǵyn 2025 jyly 1,32 mlrd teńgeni qurap, shamamen 3,6 ese ósken.
