Qazaqstan Respýblikasynyń kúni qarsańynda Qazaq-Amerika ýniversitetinde (KAU) belgili etnofotosýretshi Ońǵarbek Alharovtyń kórmesi ashyldy. Is-shara Temirbek Júrgenov atyndaǵy Qazaq ulttyq óner akademiiasynyń qoldaýymen ótti, dep habarlaidy dalanews.kz.
Kórmeniń ashylý saltanatynda KAU prezidenti Asylbek Isahov pen kórme avtory sóz sóiledi. Olar mádeni murany saqtaýdyń, ulttyq dástúrlerdi qurmetteýdiń jáne jastardyń boiynda otansúigishtik sezimdi qalyptastyrýdyń mańyzdylyǵyn atap ótti.
«Kórme Respýblika kúnine – táýelsiz memlekettiliktiń qalyptasýyn, ulttyq sananyń nyǵaiýyn jáne Qazaqstan halqynyń birligin aiǵaqtaityn aitýly merekege arnalǵan. Onyń basty maqsaty – jas urpaqty halqymyzdyń bai mádeni murasymen tanystyrý ǵana emes, sonymen qatar tarihqa degen tereń qyzyǵýshylyǵyn oiatý, ulttyq maqtanysh sezimin nyǵaitý, tól tamyryna degen qurmetin arttyrý jáne el bolashaǵy úshin jaýapkershiligin sezindirý», – dep atap ótti KAU prezidenti.
Ońǵarbek Alharov – etnofotosýretshi, Temirbek Júrgenov atyndaǵy QazUÓA-nyń «Kino jáne televidenie» fakýltetiniń aǵa oqytýshysy. Ekspozitsiiada qazaq halqynyń san qyrly mádenietin, rýhani qundylyqtary men ǵasyrlar boiy qalyptasqan dástúrlerin beineleitin fotosýretter usynylǵan. Avtor kóshpeli órkeniet kórinisteri, ulttyq ádet-ǵuryptary men dástúrli turmys erekshelikteri arqyly tarih pen búgingi kúnniń sabaqtastyǵyn kórsetedi.
Aldaǵy ýaqytta KAU osyndai mádeni-aǵartýshylyq bastamalardy damytýdy, sonyń ishinde stýdentterdiń shyǵarmashylyq jumystarynyń kórmelerin uiymdastyrýdy josparlap otyr.
Fotokórme ýniversitette 21-27 qazan aralyǵynda ótetin ulttyq mádenietke, salt-dástúrler men birlikke arnalǵan taqyryptyq aptalyq – Kazakhstan Week aiasyndaǵy alǵashqy is-shara boldy.
Baǵdarlama Respýblika kúnine arnalǵan saltanatty kontsertpen jalǵasty. KAU stýdentteri zamanaýi shyǵarmashylyq pen ulttyq naqyshty úilestirgen áserli mýzykalyq jáne bi qoiylymdaryn usyndy. Tanymal qazaq kúilerin oryndaǵan ansambldiń óneri merekelik keshke erekshe sán berdi. Is-sharanyń mańyzdy sátterinińbiri – ýniversitet oqytýshylaryna kásibi jetistikteri men joǵary bilim berý salasynyń damýyna qosqan eleýli úlesi úshin qurmet gramotalaryn tabystaý rásimi boldy.
Kazakhstan Week baǵdarlamasy jalǵasýda jáneonyń aiasynda ulttyq oiyndar, kino keshi, taqyryptyq kvizdar men Qazaqstannyń mádenimurasyn keńinen nasihattaýǵa, jastar arasyndaulttyq qundylyqtardy nyǵaitýǵa baǵyttalǵanbasqa da is-sharalar ótkiziledi.
