Qyzylordadaǵy QazaqGaz Aimaq fılıaly tabıǵı monopolıalar týraly zańdy buzǵany úshin qaıtadan ákimshilik jaýapkershilikke tartylyp, 18,3 mıllıon teńge kóleminde aıyppul salyndy. Bul týraly Tabıǵı monopolıalardy retteý komıteti málimdedi,- dep habarlaıdy Dalanews.kz
Buǵan deıin atalǵan fılıal tutynýshylardy gaz júıesine qosý úshin tehnıkalyq sharttar bergen kezde zańda kózdelmegen qosymsha qujattardy talap etkeni úshin 61,3 mıllıon teńge aıyppul tóleýge mindettelgen bolatyn.
Osylaısha, kompanıaǵa salynǵan jalpy ákimshilik aıyppuldyń somasy 79,6 mıllıon teńgege jetip otyr.
"Qyzylorda oblysy boıynsha Komıtet departamenti men fılıal arasyndaǵy sot prosesteri aıaqtalǵannan keıin, fılıaldyń kinási tolyq kólemde dáleldendi. Ákimshilik aıyppuldar tolyq kólemde tólenip, memleket búdjetin tolyqtyrdy", - delingen habarlamada.
