QR Qylmystyq kodeksiniń 107-babymen sottalǵan depýtat Darhan Turlyhanovtyń uly Nurasyl Bolat qaıtadan bostandyqqa shyǵyp, jazany aıyppulmen óteýge tyrysýda, dep habarlaıdy Dalanews.kz.
Jurttyń nazaryna ilikken atyshýly oqıǵa 2023 jyly bastalǵan edi. Sol jyly Nurasyl Bolat advokattar Oleg jáne Anna Chernovtardy soqqyǵa jyqqany úshin sottalǵan. Joǵarǵy sot isti qaraǵannan keıin jazany ózgerissiz qaldyryp, oǵan bas bostandyǵyn shekteý jazasy taǵaıyndaldy. Biraq jazany birneshe ret buzǵany úshin, onyń jazasy qatańdatylyp, naqty túrme jazasyna aýystyrylǵan bolatyn.
Jýyrda Turlyhanovtyń uly jazasynyń qalǵan bóligin aıyppulmen almastyrý týraly ótinish bergeni belgili boldy. Alaıda bul ótinishke jábirlenýshiler ǵana emes, kolonıa basshylyǵy da qarsy shyqty.
"Kolonıa basshysy da aıyppulǵa aýystyrýǵa qarsy. Men de bul sheshimge qarsymyn. Demalysqa, teńizge baratyn ýaqyt áli erte dep oılaımyn. Ózińniń emes, ózgeniń tapqan aqshasymen máseleni sheshý – jaza óteý emes, bul – jazadan qutylý. Bas bostandyǵyn shekteý sekildi jaqsy balama jaza da boldy, biraq onyń qandaı bolǵanyn bárimiz kórdik", – dep jazdy Instagram paraqshasynda Anna Chernova.
Bul másele boıynsha sot otyrysy 2025 jyldyń 19 maýsymynda ótedi.
