Qazaqstannyń jańa Qorǵanys ministriniń taǵaiyndalýy memlekettik qyzmettiń eń jaýapty ári kúrdeli baǵyttaryna Memlekettik kúzet qyzmeti (MQQ) mektebinen ótken ofitserlerdi qoiý kadrlyq praktikasynyń jalǵasy bolýy múmkin. Prezidenttiń bul sheshimine qatysty saiasattanýshy Ádil Seifýllin osyndai pikir bildirdi, dep habarlaidy Dalanews.kz.
Onyń aitýynsha, sońǵy jyldardaǵy tájiribe MQQ ókilderiniń joǵary basqarýshylyq tártipti, jeke jaýapkershilikti jáne joǵary talaptar jaǵdaiynda jumys isteý qabiletin talap etetin qurylymdar men óńirlerge taǵaiyndalatynyn kórsetip otyr.
Saiasattanýshy eń aiqyn mysaldardyń biri retinde Ermek Saǵymbaevty ataidy. 2022 jylǵy Qańtar oqiǵasynan keiin Memlekettik kúzet qyzmetiniń burynǵy basshysy Ulttyq qaýipsizdik komitetin basqardy. Ol kezde jańa basshylyqtyń aldynda eldiń ulttyq qaýipsizdik júiesindegi basty qurylymdardyń biriniń jumysyn qaita qurý mindeti turǵan edi.
Taǵy bir mysal — MQQ mektebinen ótken Shyńǵys Árinov. Keiinnen oǵan Tótenshe jaǵdailar ministrligin basqarý, sodan keiin jańa jaýapty baǵyt senip tapsyryldy.
«Memlekettik kúzet qyzmeti — airyqsha mektep. Bul — memleket eldiń birinshi tulǵalarynyń qaýipsizdigin senip tapsyratyn adamdar. Ondai jumys joǵary kásibi daiarlyqty ǵana emes, sonymen birge tártipti, jaýapkershilikti jáne qiyn-qystaý sátterde sheshim qabyldai bilýdi talap etedi», — dep atap ótti Ádil Seifýllin.
Saiasattanýshynyń pikirinshe, Qorǵanys ministrliginiń jańa basshysyn taǵaiyndaý da osy kadrlyq logikaǵa tolyqtai sáikes keledi.
Onyń artynda kásibi áskeri mansap pen Memlekettik kúzet qyzmetindegi jumys tájiribesi bar. Áskerdegi daiyndyq pen jeke jaýapkershilikke joǵary talaptar qoiatyn qurylymdaǵy qyzmettiń ushtasýy qorǵanys vedomstvosynyń basshylyǵyna kandidatýra tańdaý kezindegi basty faktorlardyń biri bolýy múmkin.
Seifýllin mundai taǵaiyndaýlar praktikalyq tájiribege jáne meritokratiia qaǵidatyna, iaǵni kásibi qasietteri jaýapty ýchaskelerde dáleldengen adamdardy usynýǵa súienetinin kórsetedi dep esepteidi.
Qaýipsizdik arhitektonikasy ózgerip jatqan jaǵdaida Qorǵanys ministrliginiń aldynda Qarýly Kúshterdi modernizatsiialaýdy jalǵastyrý ǵana emes, sonymen birge basqarý tiimdiligin arttyrý, armiiany tehnologiialyq damytý jáne áskeri tártipti nyǵaitý siiaqty mindetter tur.
Sondyqtan bul taǵaiyndaýdy jai ǵana kadrlyq aýys-túiisten keńirek qarastyrýǵa bolady. Ol sońǵy jyldardaǵy aiqyn tendentsiiany jalǵastyrady: memleket strategiialyq mańyzdy baǵyttarǵa kásibilik pen jaýapkershilikke barynsha joǵary talap qoiylatyn júiede qyzmet ótkergen adamdardy jiberedi.
Ádil Seifýllin mundai kadrlyq tásildiń formýlasyn óte qarapaiym tujyrymdaidy: Quzyrettilik + patriotizm = nátije.
