Almatyda Kenesary han kóshesi, 54/33 úi mekenjaiyndaǵy turǵyn úi kesheniniń úshinshi qabatyndaǵy terrasada zańsyz salynǵan qurylys sot sheshimimen buzylyp jatyr. Bul týraly Almaty qalasynyń Qala qurylysyn baqylaý basqarmasy málimdedi,- dep habarlaidy Dalanews.kz
Buǵan deiin júrgizilgen jospardan tys tekserý barysynda páter iesi (jeke tulǵa) eshqandai ruqsat qujattarynsyz óz páterine bir qabatty qosymsha qurylys salyp, turǵyn úi aýmaǵyn aitarlyqtai ulǵaitqany anyqtalǵan.
Iesi ákimshilik jaýapkershilikke tartylyp, buzýshylyqtardy joiý týraly nusqama berilgen. Alaida, nusqama talaptary oryndalmaǵandyqtan, 2024 jylǵy 26 tamyzda basqarma Almaty qalasy Almaly aýdandyq sotyna nusqamany májbúrlep oryndatý týraly talap aryz bergen. Sot protsesteriniń nátijesinde 2025 jylǵy 5 qańtarda sot basqarmanyń talaptaryn qanaǵattandyrǵan.
Búginnen bastap Ádilet departamenti sot oryndaýshylarynyń qatysýymen nysandy buzý jumystary bastaldy.
