Prezident Qasym-Jomart Toqaev Belgiiaǵa resmi saparmen baryp, Briýsselde turatyn qazaqstandyqtarmen kezdesti, dep habarlaidy dalanews.kz.
Memleket basshysy Belgiia astanasynyń áýejaiynda Eýropalyq odaqtyń Ortalyq Aziia jónindegi arnaiy ókili Edýards Stiprais jáne basqa da resmi tulǵalardyń qatysýymen qarsy alyndy. Qazaqstan Prezidentiniń qurmetine Qurmet qaraýyly sap túzedi.
Sapar aiasynda Qasym-Jomart Toqaev Belgiiada bilim alyp, eńbek etip júrgen otandastarymen júzdesti. Prezident jańa Konstitýtsiianyń qabyldanýymen quttyqtap, onyń 1 shildeden bastap kúshine enetinin atap ótti.
– Jalpyhalyqtyq referendýmda halqymyz biraýyzdan, birtutas qoǵam bolyp Konstitýtsiiamyzdy qoldady. Óte keremet qujat, 1 shildede kúshine enedi. Ata zańymyz halqymyzdyń temirqazyǵy bolady. Sondyqtan barshańyzdy shyn júrekten jańa Konstitýtsiianyń qabyldanýymen quttyqtaimyn, – dedi Prezident.
Memleket basshysy shetelde bilim alyp, jumys istep júrgen jastarǵa qoldaý bildirip, olardyń qai jerde júrse de Qazaqstannyń ókili ekenin aitty.
– Elimizge sizder siiaqty bilimdi, kózi ashyq, kókiregi oiaý jastar qajet. Qai jerge barsam da jastarǵa qoldaý bildirip júremin. Shyn máninde, bul jai aityla salǵan sóz emes. Jastarǵa qoldaý kórsetý – memlekettiń uzaqmerzimdi saiasatynyń bir bóligi. Jastarymyz álemniń ár túkpirinde bilim alyp, eńbek etýde. Men Prezident retinde muny qoldaimyn. Sebebi qai jerde júrseńiz de, qazaq bolyp qalasyz. Biz ozyq, damyǵan, ádiletti el bolýymyz kerek. Osyndai eldiń negizin qalaý úshin bárimiz bir el, bir halyq bolyp atsalysýymyz kerek, – dedi Qasym-Jomart Toqaev.
Prezident jastardy birneshe shet tilin meńgerýge shaqyryp, bilim, ǵylym jáne innovatsiiany damytý jańa Konstitýtsiiada memlekettiń strategiialyq baǵyty retinde aiqyndalǵanyn aitty.
Erteń Briýsseldegi Eýropalyq keńes shtab-páterinde Qasym-Jomart Toqaevtyń Eýropalyq keńes prezidenti Antoniý Koshta jáne Eýrokomissiia tóraǵasy Ýrsýla fon der Liaienmen kelissózderi ótedi. Sapar aiasynda birqatar mańyzdy qujattarǵa qol qoiý josparlanǵan.
